等了又等，任天堂終於推出名為「Nintendo Switch Online」嘅線上服務。打機最怕係咩啊？除咗豬隊友，一定係辛辛苦苦過完關，一件突如其來嘅事令到所有進度化為烏有！Switch新出嘅線上服務公布收費詳情，當中收費項目包括玩家最期待嘅遊戲存檔雲端儲存功能、連線遊玩等。

Nintendo Switch Online係需要收費，而收費方面分為個人帳號及家庭帳號。個人帳號收費為1 個月300 日圓、3 個月800 日圓、1年2,400 日圓；家庭帳號包含8個帳號，1年收費為4,500 日圓。

Nintendo Switch Online將於今年 9 月正式上線，當中免費項目包括使用家長控制服務(Nintendo Switch Parental Controls)、使用 Nintendo eShop 線上商店、擷取遊戲畫面分享至 SNS 社群平台等。