{ SKIP }
文:MenClub Patrick  圖:MenClub
POSTED ON 30 Oct 2014
筆者最近看了電影《鼓動真我(Whiplash)》,戲入面講男主角為了要成為出色的Jazz鼓手,日夜練鼓練到見晒紅,又連女友都飛埋,極之熱血。其實在香港,Jazz可能只屬於小眾喜好的音樂,但鍾意得Jazz的人,不少都相當狂熱,而且對聽歌器材甚為講究。

所以,被形容為流動聽歌神器的Astell & Kern AK240也看中了這班發燒友的市場,趁住爵士樂唱片名牌Blue Note成立75周年,與她合作推出Astell & Kern Blue Note 75th Anniversary Package: Limited Edition,全球限量1,000套,叫價$49,800,簡直可列入Jazz壇神物。





Blue Note喺音樂界地位有幾高,由我講當然缺乏說服力,Blue Note版AK240發布會上就請來了前環球唱片營業及市場總監黎錦源,以及音樂雜誌《Headlines Magazine》主編黃啟聰分享他們的睇法與聽Jazz喜好,去片。








話原版定價$20,800的AK240係現今流動播放器機王,相信冇乜人會反對,它那些高分析力、平衡輸出的優點,亦相信不用再多介紹。但這套Blue Note限量版比原版貴上$29,000,除了機身由銀色轉成象徵Jazz Blue的藍色、沾上了Blue Note的名氣外(每部機都會有獨立編號),仲有乜咁巴閉?




原來最主要係跟機會附送75張Blue Note具代表性的Jazz專輯,當中有5張更加係專為這套裝而出的Hi-res Audio Debut。它們更加全部係用母帶,透過Mastering-Quality-Sound(MQS)方式錄製成24bit/192kHz的高質檔案(有一張除外),儲存於microSD卡內,方便大家直插入AK240欣賞,24bit/192kHz的音樂檔亦正好能給AK240發揮出它的實力,音質遠勝CD。

你可能會問:75張專輯,值不值$29,000?其實Blue Note一張這種質素的發燒HDCD或SACD,閒閒吔都賣幾百蚊,75張可能價值超過$30,000㗎!




另外,這75張microSD專輯也會有跟CD盒一樣size的「卡盒」,再附送一個可收藏這75個盒的旋轉鋁架,放在家中,真的極具氣派(你屋企有位放的話);限量版套裝還包括一本收集了75個經典唱片封套的Blue Note歷史書集,當年不少封套都是由Reid Miles、Andy Warhol等大師設計,聽聞以前曾經連封套都炒得起,所以這本書集都可能係Jazz迷想要的收藏品之一。陣容就夠,但會不會畀$49,800去買這套限量版AK240,就要睇吓各位有幾發燒喇。





售價:$49,800
查詢:ECT 3188 0767





對於企業黎講,使用AI黎取代真人似乎有兩個好處:AI嘅工作水平及效率比起真人高,同時使用AI嘅成本比請個人返黎更低。所以唔少人都預期AI終有一日會佔據社會中大部份工作位置,換言之好多人都會無工可以返。不過近日 ...
tech
【AI】AI取代人力? 外媒指目前一切都係假象
20 Aug 2025
隨著手機技術發展逐漸遇到瓶頸,近年唔少科技大廠都開始另闢蹊徑,積極研發智能穿戴裝置,延伸手機功能。最近有傳專注於VR/AR裝置及智能眼鏡嘅Meta,將於下月正式推出代號為「Hypernova」嘅新一代智能眼鏡,其最大特 ...
tech
【科技】傳Meta下月推首款內建顯示器智能眼鏡 預計起步價為800美元
20 Aug 2025