今晩凌晨1點就係Apple一年一度嘅WWDC 2018，開始之前睇睇有咩料爆！早前，開發者 Steve Troughton-Smith喺Twitter上面Upload咗幾張macOS 10.14截圖，截圖中顯示咗macOS 10.14 嘅夜間模式以及一個疑似Apple嘅新聞 App。其中macOS 10.14 嘅黑暗模式可以將成個macOS變為深色，除咗Dock同埋Menu Bar之外，就連垃圾桶都由白色變成黑色。

其實Steven Troughton-Smith舊年喺Apple發佈新iPhone前，已經由程式碼中發現新iPhone命名為iPhone 8、iPhone 8 Plus及iPhone X。而今次佢喺Twitter上分享嘅截圖並無指明出處，但如果佢嘅推測成功，相信黑暗模式同太空灰色嘅iMac Pro可以成為絕配。

As usual, the spoilers came from within: Apple posted a 30-second preview video of Xcode on 10.14 to the Xcode MAS store page API (which, as videos aren't supported on the MAS, 'should' have been hidden. Guess nobody checked.). Here's the full video: https://t.co/RL7GVzeTCX

— Steve Troughton-Smith (@stroughtonsmith) June 2, 2018

另外，WWDC 2018 將喺香港時間 6 月 5 日凌晨1點舉行，而下圖就係全球唔同時區嘅直播時間表。