唔經唔覺Apple嘅iPad Pro已經成年無更新過，等買新iPad嘅人等到頸都長埋，但近日有好消息出現！知名iOS開發者Steve Troughton-Smith喺Twitter上發文表示，喺最新嘅iOS 12 Beta中發現咗iPad將會支援Face ID功能嘅證據，而且iPad嘅手勢操作亦出現咗變化，變得類似iPhone X手勢操作。

Steve Troughton-Smith喺Twitter上指出，喺最新iOS 12 Beta中搵到可以喺iPad中使用AvatarKit，亦即係可以喺iPhone X上使用Animoji 3D動態表情嘅框架。喺新iOS 12 Beta推出前，AvatarKit只出現過喺iPhone X上，而Animoji 3D動態表情等功能完全依賴iPhone X上嘅TrueDepth鏡頭，即係3D人面識別技術，所以可以間接揭露新款iPad將會加入配備Face ID嘅TrueDepth鏡頭。

New in iOS 12: AvatarKit comes to iPad. Still requires a TrueDepth camera to do face tracking, though, i.e. an iPad with Face ID pic.twitter.com/9TvP2vsP6X

— Steve Troughton-Smith (@stroughtonsmith) July 3, 2018

另外，最近亦有傳聞指出Apple正開發緊一部全新嘅iPad Pro，外型與iPhone X非常相似，包括有超窄邊框、取消Home掣，以及加入TrueDepth鏡頭等。