出咗成個月嘅《Red Dead Redemption 2》終於有Online版嘅新消息喇！Rockstar宣布《Red Dead Redemption 2》嘅Online Beta將會喺今日率先開放予Ultimate Edition版本玩家，期後逐步全面開放！

有「西部GTA」之稱嘅《Red Dead Redemption 2》終於有Online版，大家終於唔少再問問幾時先有Online版喇！Rockstar表示，Red Dead Online Beta會喺11月27日早上8時30分(即香港時間27日晚上9時30分)正式開始Online Beta測試，並率先開放予Ultimate Edition版本玩家。

《Red Dead Redemption 2》嘅Online Beta將會以多人線上遊戲形式推出測試，11月30日會完全開放Online Beta。Online Beta以有趣嘅新方式演化故事，玩家可以自訂角色能力，並以個人或與朋友一齊探索遊戲西部世界，而最多7名玩家可以組成一支武裝部隊。《Red Dead Redemption 2》 Online Beta將於PlayStation 4及Xbox One平台推出。

View this post on Instagram

Red Dead Online Beta Early access begins tomorrow, November 27 Details at rockstargames.com/newswire (link in bio)

A post shared by Rockstar Games (@rockstargames) on Nov 26, 2018 at 11:41am PST

Red Dead Online Beta開放時間表

．11月27日星期二：所有買咗《Red Dead Redemption 2: Ultimate Edition》版本嘅玩家

．11月28日星期三：所有喺10月26日有登錄《Red Dead Redemption 2》嘅玩家

．11月29日星期四：所有喺10月26日至29日期間有登錄《Red Dead Redemption 2》嘅玩家

．11月30日星期五：所有《Red Dead Redemption 2》玩家