嚴寒嘅冬天就到喇，鍾意打機嘅大家唔多唔少都試過凍到有手腳冰冷、僵硬嘅情況，最近日本就推出咗一套為打機而設嘅「包到冚」保暖衣物，無論你打機打到天昏地暗，抑或要「開大開細」都唔需要除低件保暖衣。

日本最近推出咗一款專為機迷而設名為「ダメ著4G」嘅保暖睡衣，令機迷唔會被寒冬影響打機嘅最佳狀態。講得為打機而設，衣物設計上就一定要方便機迷控制手柄、鍵盤，呢套衫連手套都有4種變化形態，可以調整手指露出度，保暖又方便。另外，件衫嘅帽兩邊開口專為耳機預留，而面部都可以進行唔同程度嘅遮擋。

呢套保暖衫最大嘅優點就係方便去廁所，唔駛除晒成套就可以利用特別設計拉鍊，迅速脫褲如廁。呢套「ダメ著4G」M/L碼賣10,500円，而XL碼就賣11,250円。

來源：bauhutte.jp