上月我哋報道過Apple兩款新註冊嘅AirPods耳機被加入藍牙技術聯盟(Bluetooth Special Interest Group)數據庫中，而日前知名Apple產品分析師郭明錤發表咗佢對新  代AirPods嘅最最新預測，佢估計新AirPods將會喺2019年第一季度推出，仲會支援無線充電功能，而全新設計嘅AirPods將會喺2020年年初推出。

郭明錤喺最新預測中指出，AirPods係Apple有史以來最受歡迎嘅配件產品，而佢預期未來AirPods有望成為Apple增長最快嘅產品，銷量將實現大幅增長，並由2017年嘅1600萬個增長至2021年嘅1億多個。郭明錤認為，現有iPhone用戶有更大機會購買AirPods，而不唔係購買新iPhone。

據了解，新AirPods充電盒將會有一個「剛性伸縮板」嘅內部組件升級，製造成本亦將會提高，充電盒嘅鉸鏈也將被重新設計，令AirPods成本上升60%。根據郭明錤所指，「支援無線充電」功能嘅升級版AirPods將會喺2019年第一季推出，唔會Apple會唔會乘勢推出埋發布已久，可以配合「支援無線充電」嘅AirPods使用嘅AirPower無線充電板呢？

來源：MacRumors