$4,488的剃鬚體驗

文：MenClub Patrick　　圖：MenClub
POSTED ON 10 Dec 2014

筆者係算死草一名（我自稱此為美德之一的慳家），同我講一個電鬚刨賣$4,488，我的回應實只會得一句：「曉飛咩！」我相信屏幕前面不少男士都會有同一諗法，come on，不要口裏說不，人少少認咗佢啦！老老竇竇，其實我真係未用過「咁具身價」的鬚刨，到底有幾巴閉，我都好想知，一於就借這個新出的Philips S9911返來試一試。不過我又冇留鬚，上鏡又會嚇親人，試剃這些機會不是屬我的，都係將它交給鬍鬚夠長又夠濃密的model Adam操刀試啦！
Philips S9911套裝鬍鬚濃密的特約測試員Adam
輕輕力剃就乾淨平日多數用剃鬚刀的Adam，說他經常要留鬚，周不時都係鬍鬚好長才會剃，所以不喜歡用電鬚刨，因為要同一位置剃好多吓先剃得清他濃密的鬍鬚。而且他試過不少普通級數的電鬚刨，都要大大力壓實塊面，好唔鍾意這種感覺，所以寧願麻煩些少，搽足剃鬚膏用剃鬚刀濕剃。不過，今次叫他用S9911乾剃，他就說感覺好好多。事關他輕輕力將刀頭貼近面頜，就成條鬍鬚連鬚根剃得乾淨，刀頭與皮膚的接觸不算多，所以不會有被刀頭刮得又痕又痛的那種不良感覺。
剃鬚前，鬍鬚幾長。剃鬚過程，3分鐘搞掂，幾快！剃鬚後，乾淨晒，目測見唔到有鬚根凸出！
8向感應夠貼面當然，上述優點就是賣$4,488的鬚刨的身價所在。睇番廠方介紹，S9911的3刀頭具備一套叫做「8向輪廓感應」的技術，實在一點講，即係每個刀頭都能夠向8個方向浮動，唔怪得會咁貼面，遇到少少阻力又會彈開，不會有多餘的皮膚接觸。同埋Adam話下爬下方的彎位，或者面頸之間的刁鑽位置，他好輕易就用其中一個刀頭的其中一個弧位剃到，靈活性好高，乾淨程度亦不會比剃鬚刀差。而且3個刀頭入面都內藏雙剃刀，廠方指每吓的剃毛量比其他電鬚刨多20%。數據好空範，但Adam親身證明好多位真係剃一吓就搞掂，不用翻來覆去剃好多吓。
3刀頭入面各內藏雙重刀片。能夠向8個方向浮動的8向輪廓感應技術解構圖。開關掣兩旁的「+/-」掣能調校刀頭旋轉速度；手柄位的顯示屏除會顯示電量外，還設有清潔及更換刀頭提示。
全自動清洗唔使煩賣得$4,488，若然包裝盒內只得個鬚刨，未免有點兒那個，所以S9911便附設一個SmartClean Pro清洗充電座。剃鬚後，只要將S9911放在它上面，㩒個掣，它就會自動用專用清潔劑清洗及潤滑刀頭，然後風乾，全程不用各位男士粗勞，第二朝立即可以拎起再剃。 S9911放在機座上，同時能夠叉電，每叉1個鐘就大約剃到50分鐘，剃乜都夠啦！出埠時應該不會帶充電座在身，萬一真係忘記了叉電，只要直接將電源線接駁S9911，快叉3分鐘就夠剃1次鬚，朝早不會累你遲到，放心！
S9911的電源插頭設於手柄底，裝上清洗充電座後便能充電。專用清潔劑放於清洗充電座底部，一盒約夠用3個月。按動清洗座上的開關掣，它便會吸出清潔劑清洗刀頭。由清洗到風乾到充電，整個過程都有指示燈提示。
易拆易裝配件另一方面，S9911還附送兩件名為Smart Click Pro的配件，而且只要拔走原有刀頭，再啪一聲插下，即能更換，易拆易裝。第一個係用來修髮及修鬚的造型刀頭，無論係二撇雞、下唇鬚、山羊鬚，抑或面頜兩邊的的水，不想全剃的話，就要靠這個刀頭來修剃。講真，留鬚唔修鬚，真係唔留好過，所以這個刀頭好重要。
修髮及修鬚造型刀頭
第二個係控油潔面刷，用它邊按壓邊轉動潔面，總比單靠手指來得仔細及能夠達到深層，尤其係經常被忽略的鼻翼與T字位。唔好話姿整呀，男士靚唔靚仔，好多時就是取決於皮膚乾淨企理與否㗎！
控油潔面刷
捨唔捨得買？試用完，Adam話S9911令他對電鬚刨有些改觀，不排除日後會轉用電鬚刨。但最後當我說出S9911的價錢給他知道時，他跟我及其他男同事的反應一樣，都是O了嘴，然後靜了一陣。的確，願意自己掏荷包買這樣貴鬚刨的男士，真的很少，但收它作為禮物，當然無任歡迎。聖誕就到喇，有重要男士等緊你送禮物的朋友，請諗諗。
附送的鬚刨盒相當普通，總覺得以S9911的身價，鬚刨盒會特別一點。
Philips S9911 售價：$4,488 查詢：Philips　2619 9663

COMMENT

KEYWORD

電鬚刨, Philips S9911

< PREVIOUS

摩天輪上凝望維港流動

2014-12-10

NEXT >

胡椒噴霧噴紙巾火燒後欄好開心

2014-12-11

SOMETHING NEW

Apple早前推出史上最薄嘅iPhone Air，引起所謂「外型 v.s. 功能」（Form v.s. Function) 嘅討論。不過後續有報導指iPhone Air銷情未如理想開始減產，似乎就代表市場都係更加著重「功能」。無獨有偶，坊間最新傳閒指 ...

tech

【科技】最薄iPhone後是最厚重iPhone？傳iPhone 18增磅增厚被嘲「健身器材」

18 Nov 2025

據《Bloomberg》記者Mark Gurman表示，Apple內部「幾乎已經放棄」Mac Pro系列嘅更新計劃，未來專業級桌面電腦重心將轉移到體積更細、設計更簡潔嘅Mac Studio。 Mac Pro曾深受剪接師、攝影師、設計師等專業 ...

tech

【科技】消息指Apple已擱置Mac Pro開發 Mac Studio將成為專業桌面電腦主力

17 Nov 2025

SOMETHING YOU LIKE

筆者係算死草一名（我自稱此為美德之一的慳家），同我講一個電鬚刨賣$4,488，我的回應實只會得一句：「曉飛咩！」我相信屏幕前面不少男士都會有同一諗法，come on，不要口裏說不，人少少認咗佢啦！老老竇竇，其實我真係未用過「咁具身價」的鬚刨，到底有幾巴閉，我都好想知，一於就借這個新出的Philips S9911返來試一試。不過我又冇留鬚，上鏡又會嚇親人，試剃這些機會不是屬我的，都係將它交給鬍鬚夠長又夠濃密的model Adam操刀試啦！
Philips S9911套裝鬍鬚濃密的特約測試員Adam
輕輕力剃就乾淨平日多數用剃鬚刀的Adam，說他經常要留鬚，周不時都係鬍鬚好長才會剃，所以不喜歡用電鬚刨，因為要同一位置剃好多吓先剃得清他濃密的鬍鬚。而且他試過不少普通級數的電鬚刨，都要大大力壓實塊面，好唔鍾意這種感覺，所以寧願麻煩些少，搽足剃鬚膏用剃鬚刀濕剃。不過，今次叫他用S9911乾剃，他就說感覺好好多。事關他輕輕力將刀頭貼近面頜，就成條鬍鬚連鬚根剃得乾淨，刀頭與皮膚的接觸不算多，所以不會有被刀頭刮得又痕又痛的那種不良感覺。
剃鬚前，鬍鬚幾長。剃鬚過程，3分鐘搞掂，幾快！剃鬚後，乾淨晒，目測見唔到有鬚根凸出！
8向感應夠貼面當然，上述優點就是賣$4,488的鬚刨的身價所在。睇番廠方介紹，S9911的3刀頭具備一套叫做「8向輪廓感應」的技術，實在一點講，即係每個刀頭都能夠向8個方向浮動，唔怪得會咁貼面，遇到少少阻力又會彈開，不會有多餘的皮膚接觸。同埋Adam話下爬下方的彎位，或者面頸之間的刁鑽位置，他好輕易就用其中一個刀頭的其中一個弧位剃到，靈活性好高，乾淨程度亦不會比剃鬚刀差。而且3個刀頭入面都內藏雙剃刀，廠方指每吓的剃毛量比其他電鬚刨多20%。數據好空範，但Adam親身證明好多位真係剃一吓就搞掂，不用翻來覆去剃好多吓。
3刀頭入面各內藏雙重刀片。能夠向8個方向浮動的8向輪廓感應技術解構圖。開關掣兩旁的「+/-」掣能調校刀頭旋轉速度；手柄位的顯示屏除會顯示電量外，還設有清潔及更換刀頭提示。
全自動清洗唔使煩賣得$4,488，若然包裝盒內只得個鬚刨，未免有點兒那個，所以S9911便附設一個SmartClean Pro清洗充電座。剃鬚後，只要將S9911放在它上面，㩒個掣，它就會自動用專用清潔劑清洗及潤滑刀頭，然後風乾，全程不用各位男士粗勞，第二朝立即可以拎起再剃。 S9911放在機座上，同時能夠叉電，每叉1個鐘就大約剃到50分鐘，剃乜都夠啦！出埠時應該不會帶充電座在身，萬一真係忘記了叉電，只要直接將電源線接駁S9911，快叉3分鐘就夠剃1次鬚，朝早不會累你遲到，放心！
S9911的電源插頭設於手柄底，裝上清洗充電座後便能充電。專用清潔劑放於清洗充電座底部，一盒約夠用3個月。按動清洗座上的開關掣，它便會吸出清潔劑清洗刀頭。由清洗到風乾到充電，整個過程都有指示燈提示。
易拆易裝配件另一方面，S9911還附送兩件名為Smart Click Pro的配件，而且只要拔走原有刀頭，再啪一聲插下，即能更換，易拆易裝。第一個係用來修髮及修鬚的造型刀頭，無論係二撇雞、下唇鬚、山羊鬚，抑或面頜兩邊的的水，不想全剃的話，就要靠這個刀頭來修剃。講真，留鬚唔修鬚，真係唔留好過，所以這個刀頭好重要。
修髮及修鬚造型刀頭
第二個係控油潔面刷，用它邊按壓邊轉動潔面，總比單靠手指來得仔細及能夠達到深層，尤其係經常被忽略的鼻翼與T字位。唔好話姿整呀，男士靚唔靚仔，好多時就是取決於皮膚乾淨企理與否㗎！
控油潔面刷
捨唔捨得買？試用完，Adam話S9911令他對電鬚刨有些改觀，不排除日後會轉用電鬚刨。但最後當我說出S9911的價錢給他知道時，他跟我及其他男同事的反應一樣，都是O了嘴，然後靜了一陣。的確，願意自己掏荷包買這樣貴鬚刨的男士，真的很少，但收它作為禮物，當然無任歡迎。聖誕就到喇，有重要男士等緊你送禮物的朋友，請諗諗。
附送的鬚刨盒相當普通，總覺得以S9911的身價，鬚刨盒會特別一點。
Philips S9911 售價：$4,488 查詢：Philips　2619 9663