{ SKIP }
文:MenClub 路易斯  圖:互聯網
POSTED ON 11 Mar 2019

昨日埃塞俄比亞航空公司(Ethiopian Airlines)一架波音737 MAX-8客機,由埃塞俄比亞首都亞的斯亞貝巴飛往肯雅首都內羅比期間,只係起飛約6分鐘後就墜毀,情況與去年1029日印尼獅子航空(Lion Air)嘅波音737 MAX-8客機墜毀情況相同,事件令唔少航空專家認為兩次意外非巧合,而中國下令國內所有航空公司全面停飛波音737 MAX-8客機。

波音737 MAX為應對競爭空中巴士A320neo而生

先講講波音(Boeing)旗下嘅737客機背景,波音737系列係波音公司嘅皇牌中短程、雙引擎窄體客機(Narrow-body Aircraft),呢個系列始於1964年,而唔夠5個月內發生兩次空難嘅737 MAX-8客機於2017年先正式服役。737 MAX客機嘅出現主要係為咗應對競爭對手空中巴士(Airbus)嘅新型窄體客機A320neo系列。

737 MAX客機係波音737系列中最新嘅型號,同時係波音公司嘅最新機種,佢配備咗高效能新款CFM International LEAP引擎,以及新一代航電設備與飛行電腦程式等。而佢喺外型上與以往嘅737系列有唔少分別,其中喺機翼翼尖上裝有先進技術翼帆(Advanced Technology Winglet),睇起上嚟似會開叉嘅小翼,而呢種設計能夠令燃油效率額外提升1.5%;引擎方面,737 MAX用上同波音787一樣嘅新款蛋殼型整流罩,能夠降低客艙內嘅噪音。

埃航起飛後兩分半鐘內兩度下降  情況極不尋常

了解完737 MAX客機嘅背景後就講講事故,根據FlightRadar24數據顯示,昨日墜毀嘅埃塞俄比亞航空公司航班ET302喺起飛後兩分半鐘內兩度下降,呢個情況極不尋常,因為正常客機喺起飛後數十分鐘仍然於爬升狀態,而起飛兩分半鐘左右嘅飛行高度可能只有50007000呎。美國航空安全顧問John Cox分析亦指出,起飛後「必須保持客機向上升,就算在收襟翼(Flap,提高升力裝置)期間也一樣,才能讓飛機脫離地面,因此在此時下降很不尋常,調查員將會研究」。

由於昨日嘅空難仍然喺調查階段,所以去年10月同樣發生意外嘅印尼獅子航空波音737 MAX-8客機成為咗發掘飛機失事意外嘅關鍵。據印尼運輸安全監管機構初步調查指出,獅子航空嘅737 MAX-8客機於失事前4次飛行都有出現空速量度儀失靈嘅情況,而失事當日客機嘅攻角感應器讀數更出現20度嘅誤差,最後客機以時速640公里急墜海面。

印尼獅子航空報告指「人機互相搏鬥」

此外,印尼當局喺意外後所發表嘅首份獅航意外調查報告更指出,機師喺起飛開始後就持續與飛機嘅電腦自動操作「搏鬥」,最終因為「人機互相搏鬥」以至飛機失去控制墜毀。要解釋「人機互相搏鬥」嘅情況,一位有豐富波音客機駕駛經驗嘅機師Les Abend於印尼獅子航空意外後於CNN發表一篇文章指出,737 MAX係一架「Fly-By-Wire」利用電子訊號操作嘅飛機,而人手操控係間接而非直接,當機師輸入操控指令,電腦就會按機師指令駕駛飛機,飛機嘅大部分操控都交由電腦自動處理。

由於737 MAX客機喺機身及引擎設計上嘅問題,喺客機啟動引擎時機頭會不由自主咁抬高,所以波音為737 MAX客機新增咗一個名為MCAS嘅系統,用嚟微調飛機姿勢,防止出現失速(Stall)情況。Les Abend表示,當飛機即將失速,MCAS系統就會自動指示機頭向下,令飛機下降及增加飛行速度避免失速。但Les Abend指出重點,就係波音似乎無將MCAS系統嘅自動操作寫入說明書中,如所有737 MAX機師嘅訓練都係手動脫離失速的話,MCAS系統嘅突然介入就會打亂機師操作造成混亂。

AOA偵測系統判斷出現問題  MCAS不適當地介入致意外

最後,Les Abend表示MCAS系統係透過AOA偵測系統(攻角偵測系統)而判斷,而獅子航空意外似乎係AOA偵測系統判斷737 MAX機頭攻角出現問題,令MCAS不適當地介入,最後造成「人機互相搏鬥」嘅情況。但埃塞俄比亞航空公司航班ET302嘅意外詳細結果仍要等待有關部門調查,各位目前就要小心搭上波音737 MAX-8客機,現時美國航空、西南航空及聯合航空都有以737 MAX客機經營嘅航線,而以香港為基地嘅國泰航空、港龍航空、香港航空及香港快運均無訂購波音737 MAX-8客機。

來源:CNNBBC

自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024