距離Apple於3月25日舉行嘅發布會仲有11日，上就同大家報道今次發布會以串流影音、新聞訂閱服務為主，相信令唔少人有啲失望。期待有新產品嘅大家唔洗灰，因為嚟自台灣嘅PCB製造商嘅消息指，AirPods 2及新iPad將會於發布會當日登場！

台灣媒體DigiTimes報道指出，台灣PCB(Printed Circuit Board，印刷電路板)製造商台郡科技、臻鼎科技、華通電腦及精聯電子，已經開始為AirPods 2及新iPad推出相關零件。而報道中有消息人士指出，相關嘅AirPods 2及新iPad會趕及於Apple嘅3月25日發布會推出，不過iPad方面會否推出傳聞中嘅iPad Mini 5，或是更新版本嘅iPad 2019仲係未知數。

雖然有新硬件推出搶咗唔少焦點，不過Apple將推出嘅串流影音服務仍然係重中之重，據指今次Apple將為iOS及Apple TV用戶提供免費的原創影視節目，同時讓用戶訂購包括Starz、Showtime等節目內容，而串流影音服務最快會喺今年4月或5月推出市場，但服務初期唔會提供Netflix或Hulu嘅影視內容。

來源：MacRumors