三星首部摺Mon手機Galaxy Fold即將喺美國開賣，早前仲將Galaxy Fold寄畀外國媒體作實測，不過日前媒體都不約而同指出Galaxy Fold喺使用數日後熒幕出現問題，輕則熒屏摺疊處出現凸起及破裂，嚴重者出現大半熒幕無法顯示，電話完全報銷。下星期Galaxy Fold即將抵港發布，唔知到時會唔會出現相關問題出現呢？又或者呢部Galaxy Fold可能會步當年Note 7大規模出現問題嘅後塵。

Galaxy Fold係三星首部採用咗Infinity Flex熒幕嘅智能手機，機身攤開有7.3吋嘅Infinity Flex Dynamic AMOLED巨型熒幕，亦係Galaxy Fold嘅最大賣點，不過出事嘅亦正正喺呢嗰熒幕！外地媒體The Verge、Bloomberg及CNBC都有指出Galaxy Fold使用數日後，其中The Verge記者Dieter Bohn面對嘅問題比較輕微，佢喺Twitter上指出手機出摺疊處出現凸起，而且凸起處穿透咗熒幕，令熒幕破裂。

SUPER YIKES: something happened to my Galaxy Fold screen and caused a bulge. I don’t know how it happened, and I’m waiting to hear back from Samsung. It’s broken. https://t.co/p1014uB01D pic.twitter.com/3FZJkWtSKr

— Dieter Bohn (@backlon) April 17, 2019

不過呢一位Bloomberg記者Mark Gurman就無咁好彩，自從佢由三星收到Galaxy Fold使用數日後，整個熒幕黑咗一大半，令整部Galaxy Fold完全報銷不能使用。而知名科技YouTuber Marques Brownlee就指出，當佢將Galaxy Fold保護貼除去後，整個熒幕即刻變黑，然後佢發現呢塊其實唔係保護貼(咁似係自己玩爛咗多啲)。

The screen on my Galaxy Fold review unit is completely broken and unusable just two days in. Hard to know if this is widespread or not. pic.twitter.com/G0OHj3DQHw

— Mark Gurman (@markgurman) April 17, 2019

來源：MacRumors