乳癌係香港最常見婦女癌症，喺每15名女性中就有一位患上，而且死亡率仲係頭三甲添。不過近日美國麻省理工學院(MIT)對乳癌預防有新發展，MIT 研究人員發明咗一種以A.I.(人工智能)驅動嘅新方式觀察乳房X光片，而呢種方法可以幫助女性提前5年檢測出乳癌。

麻省理工學院計算機科學與人工智能實驗室(CSAIL)與麻省總醫院(Massachusetts General Hospital)研究人員研發出一個A.I.深度學習模型，只係透過女性乳房X光檢查就能可以預測女性未來5年會否患上乳癌。

MIT 醫學和健康研究及政策副教授Allison Kurian 博士表示，特別令人驚訝嘅係模型對白人及黑人效果一樣好，與以往風險評估工具不同。而研究人員指出，深度學習模型對白人或黑人患者同樣有效，因為模型嘅訓練數據包括咗白人與黑人群體。

究竟MIT研究人員係點樣研發A.I.深度學習模型？喺進行研發前，研究人員首先於Massachusetts General Hospital 查看6萬多位乳癌患者嘅X光片，然後搵出5年內患上乳癌嘅女性X光片，並利用呢啲數據建立出深度學習模型，模型可以識別出乳腺組織中嘅細微模式，而呢啲模式就係患上癌症早期徵兆。MIT呢項研究結果本星期於《Radiology (放射學)》期刊中發表。

來源：Engadget