執笠遺作？Pantech VEGA IM-A920S

文：MenClub Patrick　　圖：MenClub
POSTED ON 24 Dec 2014

有用開水貨手機嘅人都知，近兩年最抵玩嘅水機，一定係韓國第三大手機廠Pantech嘅VEGA系列。當中有啲機款，就算spec.同其他行機、甚至水機一樣，不過機價都可以平過人哋千幾兩千蚊，真係益街坊。但係好景不常，早排Pantech竟然喺美國申請破產，成間公司隨時摺埋，之後可能再冇咁抵食夾大件嘅手機用。所以，最近流入香港嘅呢部A920S，有機會就係呢個系列嘅遺作，想用就好用喇！
配備長條形Home掣，係令人覺得佢似Note 3嘅原因之一。
平同級機成千銀由於去到公司嘅「最後階段」，Pantech都唔再落重本去開發勁機，所以呢部A920S嘅規格，其實未到今年嘅旗艦級，大約同上年嘅Samsung Note 3差唔多級數（只爭屏幕細0.1吋同RAM少咁1GB），但其實而家用都唔算好過時啫。點都要講咗價錢先，就攞番Note 3嚟同A920S比。Note 3行貨仲賣緊$3,800左右，就算水貨都要$3,400，但係A920S就只賣$2,680，平成七嚿水至成千蚊，梗係多人入手，唔怪得之前啱啱到港嗰陣，勁快咁俾人秒殺晒第一批貨。聽講聖誕假期後會再有大貨返，有興趣嘅朋友要捕實喇。
有凹凸紋嘅膠背蓋，手感幾紮實。一如傳統，背蓋能夠打開換電，而且附送兩嚿3,220mAh電池，實夠用一日，尿袋都唔使帶。
實淨膠蓋樣夠man 講番A920S部機本身，其實機面都有少少似Note 3，不過因為四隻角冇Note 3咁圓，所以睇落仲型啲添。反轉機背，雖然都係用膠蓋，但摸落實淨啲，上高啲凹凸紋嘅手感亦唔錯，唔會有好重嘅膠感；再加埋條銀色膠邊，成個look都幾man，幾啱Gentleman用。
AnTuTu跑分成績有39,663分，僅次Samsung S5，呢個價位算唔錯喇啩。
上年頂班規格　　　　規格方面，頭先都講咗大約係上年旗艦機嘅水平，即係有Qualcomm Snapdragon 800四核心2.3GHz CPU、5.6吋Full HD大芒、1,300萬像素鏡頭等等，同埋最緊要係支援香港4G網絡。雖然RAM只得2GB，但初步試用覺得部機反應都唔錯，其實又唔使一定要有3GB RAM嘅，夠用咪得囉。至於佢冇今年先興嘅2K芒，觀感的確係爭啲，但又再諗番佢個機價嘅話，都覺得可以接受啦。如果真係好想用呢個價位買2K芒手機，建議買番LG G3水貨，不過係半年前嘅機款嚟喇喎。
同其他韓系水機一樣有條用嚟接收數碼電視嘅天線，但喺香港冇用。機側特設一粒V Pen unlock掣，啪一啪，V Pen即會彈出。其實天線就係V Pen，用嚟篤芒同手寫，反應幾順。
指紋辨識加V Pen 要再講A920S嘅特別功能的話，第一樣應該要數佢具備指紋辨識功能，不過個指紋辨識器唔係喺Home掣入面，而係喺機背鏡頭底下，捽落尚算順手。若然你冇諗住用指紋嚟解鎖，呢個辨識器都唔係冇用，因為佢其實都係V Touch功能嘅觸控板，手指喺上面掃，就能夠好似mouse咁操控介面，我就覺得呢個功能比指紋辨識更加實用喇。另外仲要講嘅，係A920S都附設一支V Pen，雖然唔似得Samsung Note系機嗰支S Pen咁，有懸浮指令之類嘅進階功能，但普普通通用嚟手寫同cap screen都幾流暢幾好用。最後再提提大家，韓系水機只得韓文同英文介面，唔會有中文介面，平時閱讀中文亦可能會出現少少唔支援嘅問題，未用過韓系水機嘅人要有心理準備。
鏡頭下面黑色圓形嗰塊，就係指紋辨識器同V Touch觸控板。設有韓文介面，睇少女時代睇到上腦嘅朋友啱用。後置鏡頭嘅拍攝功能算幾齊全。提供18種顏色濾鏡同特效，更能夠即時預覽效果。連前置鏡頭都有曝光補償、白平衡、ISO等手動設定，自拍都可以慢慢set嘢影靚啲。試相老實講，以前VEGA系列嘅相質麻麻，但近兩、三代有明顯進步，今次IM-A920S個鏡頭質素都算唔錯，喺暗室影相都冇乜noise。
Pantech VEGA IM-A920S規格售價：$2,680（水貨）系統：Android 4.4.2 制式：TD-LTE、FDD-LTE、WCDMA、GSM 屏幕：5.6" 1,920x1,080 IPS 處理器：Qualcomm Snapdragon 801四核心2.3GHz 記憶體：2GB RAM 鏡頭：後置1,300萬像素、前置210萬像素儲存空間：內置16GB、microSDXC（最高支援128GB）電池：3,220mAh（可換式）體積：151.7x77.7x9.3mm 重量：178.6g 查詢：三禾電氣　2374 0718

Pantech爭人10億 1991年成立嘅Pantech，雖然係現時繼Samsung同LG之後嘅韓國第三大手機廠，但據外國報道指，佢目前資產約只有5億美元，負債卻高達10億美元，真係賣晒成間公司都唔夠還。其實Pantech條數唔掂，已經持續咗好長時間，就連CPU廠商Qualcomm同Samsung，都喺近年先後入股想打救佢，但最終都係搞唔掂，所以Pantech終於喺今年10月喺美國申請破產。

COMMENT

KEYWORD

Pantech VEGA IM-A920S, Pantech VEGA POP-UP NOTE

< PREVIOUS

性感女郎講故仔震下震下郁身郁勢

2014-12-24

NEXT >

時裝速讀：你講得出的帽子名稱?

2014-12-25

SOMETHING NEW

對於電玩界新聞有一定了解嘅讀者，應該會知道Playstation於遊戲開發上過得並不順心淨係睇號稱用咗4億美金開發嘅《星鳴特攻》，結果上市不足兩個禮拜就被鬧到關閉伺服器、4億美金尤如倒錢落海就可見一斑。而近日前SIE ...

tech

【電玩】PS前高層離職後受訪因反對服務型遊戲而被燉冬菇？《捉馬騮》等遊戲為何未能開發新作？

25 Feb 2025

於運動相機界舉足輕重嘅中國品牌DJI日前推出手機穩定器Osmo Mobile系列嘅最新作，當中除咗於穩定性及跟拍性都有所進步之外，最大嘅更新或者就係加入全新「多功能追蹤模組」，令大家可以唔用DJI Mimo app，直接用手機 ...

tech

【科技】DJI推Osmo Mobile 7P 可用電話原生相機拍攝

20 Feb 2025

SOMETHING YOU LIKE

有用開水貨手機嘅人都知，近兩年最抵玩嘅水機，一定係韓國第三大手機廠Pantech嘅VEGA系列。當中有啲機款，就算spec.同其他行機、甚至水機一樣，不過機價都可以平過人哋千幾兩千蚊，真係益街坊。但係好景不常，早排Pantech竟然喺美國申請破產，成間公司隨時摺埋，之後可能再冇咁抵食夾大件嘅手機用。所以，最近流入香港嘅呢部A920S，有機會就係呢個系列嘅遺作，想用就好用喇！
配備長條形Home掣，係令人覺得佢似Note 3嘅原因之一。
平同級機成千銀由於去到公司嘅「最後階段」，Pantech都唔再落重本去開發勁機，所以呢部A920S嘅規格，其實未到今年嘅旗艦級，大約同上年嘅Samsung Note 3差唔多級數（只爭屏幕細0.1吋同RAM少咁1GB），但其實而家用都唔算好過時啫。點都要講咗價錢先，就攞番Note 3嚟同A920S比。Note 3行貨仲賣緊$3,800左右，就算水貨都要$3,400，但係A920S就只賣$2,680，平成七嚿水至成千蚊，梗係多人入手，唔怪得之前啱啱到港嗰陣，勁快咁俾人秒殺晒第一批貨。聽講聖誕假期後會再有大貨返，有興趣嘅朋友要捕實喇。
有凹凸紋嘅膠背蓋，手感幾紮實。一如傳統，背蓋能夠打開換電，而且附送兩嚿3,220mAh電池，實夠用一日，尿袋都唔使帶。
實淨膠蓋樣夠man 講番A920S部機本身，其實機面都有少少似Note 3，不過因為四隻角冇Note 3咁圓，所以睇落仲型啲添。反轉機背，雖然都係用膠蓋，但摸落實淨啲，上高啲凹凸紋嘅手感亦唔錯，唔會有好重嘅膠感；再加埋條銀色膠邊，成個look都幾man，幾啱Gentleman用。
AnTuTu跑分成績有39,663分，僅次Samsung S5，呢個價位算唔錯喇啩。
上年頂班規格　　　　規格方面，頭先都講咗大約係上年旗艦機嘅水平，即係有Qualcomm Snapdragon 800四核心2.3GHz CPU、5.6吋Full HD大芒、1,300萬像素鏡頭等等，同埋最緊要係支援香港4G網絡。雖然RAM只得2GB，但初步試用覺得部機反應都唔錯，其實又唔使一定要有3GB RAM嘅，夠用咪得囉。至於佢冇今年先興嘅2K芒，觀感的確係爭啲，但又再諗番佢個機價嘅話，都覺得可以接受啦。如果真係好想用呢個價位買2K芒手機，建議買番LG G3水貨，不過係半年前嘅機款嚟喇喎。
同其他韓系水機一樣有條用嚟接收數碼電視嘅天線，但喺香港冇用。機側特設一粒V Pen unlock掣，啪一啪，V Pen即會彈出。其實天線就係V Pen，用嚟篤芒同手寫，反應幾順。
指紋辨識加V Pen 要再講A920S嘅特別功能的話，第一樣應該要數佢具備指紋辨識功能，不過個指紋辨識器唔係喺Home掣入面，而係喺機背鏡頭底下，捽落尚算順手。若然你冇諗住用指紋嚟解鎖，呢個辨識器都唔係冇用，因為佢其實都係V Touch功能嘅觸控板，手指喺上面掃，就能夠好似mouse咁操控介面，我就覺得呢個功能比指紋辨識更加實用喇。另外仲要講嘅，係A920S都附設一支V Pen，雖然唔似得Samsung Note系機嗰支S Pen咁，有懸浮指令之類嘅進階功能，但普普通通用嚟手寫同cap screen都幾流暢幾好用。最後再提提大家，韓系水機只得韓文同英文介面，唔會有中文介面，平時閱讀中文亦可能會出現少少唔支援嘅問題，未用過韓系水機嘅人要有心理準備。
鏡頭下面黑色圓形嗰塊，就係指紋辨識器同V Touch觸控板。設有韓文介面，睇少女時代睇到上腦嘅朋友啱用。後置鏡頭嘅拍攝功能算幾齊全。提供18種顏色濾鏡同特效，更能夠即時預覽效果。連前置鏡頭都有曝光補償、白平衡、ISO等手動設定，自拍都可以慢慢set嘢影靚啲。試相老實講，以前VEGA系列嘅相質麻麻，但近兩、三代有明顯進步，今次IM-A920S個鏡頭質素都算唔錯，喺暗室影相都冇乜noise。
Pantech VEGA IM-A920S規格售價：$2,680（水貨）系統：Android 4.4.2 制式：TD-LTE、FDD-LTE、WCDMA、GSM 屏幕：5.6" 1,920x1,080 IPS 處理器：Qualcomm Snapdragon 801四核心2.3GHz 記憶體：2GB RAM 鏡頭：後置1,300萬像素、前置210萬像素儲存空間：內置16GB、microSDXC（最高支援128GB）電池：3,220mAh（可換式）體積：151.7x77.7x9.3mm 重量：178.6g 查詢：三禾電氣　2374 0718

Pantech爭人10億 1991年成立嘅Pantech，雖然係現時繼Samsung同LG之後嘅韓國第三大手機廠，但據外國報道指，佢目前資產約只有5億美元，負債卻高達10億美元，真係賣晒成間公司都唔夠還。其實Pantech條數唔掂，已經持續咗好長時間，就連CPU廠商Qualcomm同Samsung，都喺近年先後入股想打救佢，但最終都係搞唔掂，所以Pantech終於喺今年10月喺美國申請破產。