戰鬥民族前後芒手機　YotaPhone 2

文：MenClub Patrick　　圖：互聯網
POSTED ON 25 Dec 2014

黎天王金句：「左手又係肉，手背又係肉」，真係少啲慧根都唔明佢噏乜春天。但要介紹呢部嚟自戰鬥民族俄羅斯嘅YotaPhone 2就好簡單，一句「前面又係芒，後面又係芒」，即明！
機面5吋彩色芒、機背4.7吋黑白芒。
機背電子書屏幕其實咁多年嚟，都有其他廠出過呢類一機兩面都係芒嘅手機，YotaPhone 2唔係第一部，但係論實用性，佢就可以話係最高。點解？因為佢機背嗰個唔係普通手機屏幕，而係電子書嘅EPD（Electronic Paper Display）屏幕，最大好處就係耗電量極低，就算平時冇得熄咗佢，會一直顯示wallpaper，但都唔會食到部機幾多電。但當然，YotaPhone 2機面嗰個係正常5吋Full HD AMOLED屏幕嚟。
機背EPD屏幕，平時會長開顯示wallpaper，當做機背裝飾？機背屏幕解鎖後，就可以經Yota Panel用到電子書等功能。
反轉用機可慳電設計係特別，但到底兩個芒有乜用先？放心，保證唔係多嚿魚！機背個4.7吋960x540 EPD屏幕，解鎖之後會出現一個Yota Panel，喺上面會睇到時間、來電顯示同email，亦可以直接喺呢邊芒撥號打電話，等大家用呢啲功能嗰陣，唔使開着個彩色主芒，慳番唔少電。另外，YotaPhone 2亦預載咗一啲專為EPD屏幕而設嘅app，好似2048、數獨等mini game。不過最有用嘅，始終係電子書，畀人慢慢喺EPD屏幕上面刨書，完全唔使擔心用晒啲電，真係齋睇電子書嘅話，部機仲用到成5日咁多添。
EPD屏幕除咗慳電，另一優點係喺猛太陽底下都睇得好清楚。
15%電撐8粒半鐘就係咁多？梗係唔止！最重要一樣，係當部機得番15%電量嗰陣，直頭會關閉機面個彩色芒，然後將成個介面轉去機背EPD芒上面顯示出嚟，畀大家繼續用機，所有功能用得番晒，亦有得multi-touch操控，只不過所有畫面變晒黑白色啫。雖然佢內置嚿電得2,500mAh容量，唔算好勁，但係根據官方講，咁樣轉一轉，嚿電又可以撐到8粒半鐘，就算冇帶尿袋，Gentleman都有得繼續check email做嘢，又唔怕報到唔到，俾女友老婆炸型，你話幾緊要呀！不過，其實你喜歡嘅話，即使嚿電滿晒，都一樣可以將介面轉去EPD芒顯示，未雨绸缪，或者平時望住機背個芒嚟自拍都得。但係，唔少掂過部機嘅人都話，咁樣用機會有少少lag，要有心理準備。
前芒畫面可以完全鏡射過去背芒，只不過會變成黑白色。好多嘢save晒喺手機，去旅行嗰陣用到手機冇電，真係會好頭痕，YotaPhone 2個背芒就可以救大家一命。其實其他手機都應該畀人揀將畫面轉成黑白嚟慳電，好似Samsung嘅Ultra Power Saving Mode咁。
習總都有部睇落好把炮，幾錢先？$5,999！唔好O嘴住，人哋普京送咗部YotaPhone 2畀習近平喎，你肯畀$5,999，就可以同習總用埋同一部機，土豪肯肯定like（假如習總真係會用的話）。再唔係，上eBay望吓有冇俄羅斯人賣機囉，盧布大跌喎，話唔定執到平貨呢。
手機外交？但係唔知習總平日會唔會用自己嘅手機喎。
YotaPhone 2規格售價：$5,999 系統：Android 4.4 制式：FDD-LTE、WCDMA、GSM 屏幕：5" 1,920x1,080 AMOLED、4.7" 960x540 EPD 處理器：Qualcomm Snapdragon 800四核心2.2GHz 記憶體：2GB RAM 鏡頭：後置800萬像素、前置210萬像素儲存空間：內置32GB、microSDXC（最高支援128GB）電池：2,500mAh 體積：144.9x69.4x8.95mm 重量：145g 查詢：ECS　2612 2673

以前強國山寨廠都出過同YotaPhone 2差唔多設計嘅手機，只不過兩邊都係用彩色芒；較近年又係大廠推出嘅呢類機，就興將機面同機背整成可揭式，等兩個芒能夠合併一齊用，就好似呢部NEC MEDIAS W N-05E。

COMMENT

KEYWORD

YotaPhone 2

< PREVIOUS

時裝速讀：你講得出的帽子名稱?

2014-12-25

NEXT >

外國小明揸單車快過法拉利

2014-12-25

SOMETHING NEW

Samsung原定計劃在明年初推出嘅S26系列，以主打輕薄設計嘅Edge機型，全面取代舊有嘅Plus機型。但由於今年5月推出嘅Galaxy S25 Edge銷情未如理想，Samsung最終決定調整策略，重啟S26 Plus機型開發計劃。據 ...

tech

【科技】Galaxy S25 Edge銷量不如預期消息指Samsung重啟「Plus」機型開發

02 Oct 2025

近期我哋提到AI嘅新聞都無咩好嘢，唔係話佢助長青少年不當行為，就係話佢嚴重影響網站流量。不過其實AI對人類黎講依然係有好處嘅，例如大家記唔記得生成式AI開始出現時，好多人拎黎整AI美女寫真？經過一段時間發展後 ...

tech

【AI】日本神人整AI美女寫真極度像真幾乎毫無破綻

30 Sep 2025

SOMETHING YOU LIKE

黎天王金句：「左手又係肉，手背又係肉」，真係少啲慧根都唔明佢噏乜春天。但要介紹呢部嚟自戰鬥民族俄羅斯嘅YotaPhone 2就好簡單，一句「前面又係芒，後面又係芒」，即明！
機面5吋彩色芒、機背4.7吋黑白芒。
機背電子書屏幕其實咁多年嚟，都有其他廠出過呢類一機兩面都係芒嘅手機，YotaPhone 2唔係第一部，但係論實用性，佢就可以話係最高。點解？因為佢機背嗰個唔係普通手機屏幕，而係電子書嘅EPD（Electronic Paper Display）屏幕，最大好處就係耗電量極低，就算平時冇得熄咗佢，會一直顯示wallpaper，但都唔會食到部機幾多電。但當然，YotaPhone 2機面嗰個係正常5吋Full HD AMOLED屏幕嚟。
機背EPD屏幕，平時會長開顯示wallpaper，當做機背裝飾？機背屏幕解鎖後，就可以經Yota Panel用到電子書等功能。
反轉用機可慳電設計係特別，但到底兩個芒有乜用先？放心，保證唔係多嚿魚！機背個4.7吋960x540 EPD屏幕，解鎖之後會出現一個Yota Panel，喺上面會睇到時間、來電顯示同email，亦可以直接喺呢邊芒撥號打電話，等大家用呢啲功能嗰陣，唔使開着個彩色主芒，慳番唔少電。另外，YotaPhone 2亦預載咗一啲專為EPD屏幕而設嘅app，好似2048、數獨等mini game。不過最有用嘅，始終係電子書，畀人慢慢喺EPD屏幕上面刨書，完全唔使擔心用晒啲電，真係齋睇電子書嘅話，部機仲用到成5日咁多添。
EPD屏幕除咗慳電，另一優點係喺猛太陽底下都睇得好清楚。
15%電撐8粒半鐘就係咁多？梗係唔止！最重要一樣，係當部機得番15%電量嗰陣，直頭會關閉機面個彩色芒，然後將成個介面轉去機背EPD芒上面顯示出嚟，畀大家繼續用機，所有功能用得番晒，亦有得multi-touch操控，只不過所有畫面變晒黑白色啫。雖然佢內置嚿電得2,500mAh容量，唔算好勁，但係根據官方講，咁樣轉一轉，嚿電又可以撐到8粒半鐘，就算冇帶尿袋，Gentleman都有得繼續check email做嘢，又唔怕報到唔到，俾女友老婆炸型，你話幾緊要呀！不過，其實你喜歡嘅話，即使嚿電滿晒，都一樣可以將介面轉去EPD芒顯示，未雨绸缪，或者平時望住機背個芒嚟自拍都得。但係，唔少掂過部機嘅人都話，咁樣用機會有少少lag，要有心理準備。
前芒畫面可以完全鏡射過去背芒，只不過會變成黑白色。好多嘢save晒喺手機，去旅行嗰陣用到手機冇電，真係會好頭痕，YotaPhone 2個背芒就可以救大家一命。其實其他手機都應該畀人揀將畫面轉成黑白嚟慳電，好似Samsung嘅Ultra Power Saving Mode咁。
習總都有部睇落好把炮，幾錢先？$5,999！唔好O嘴住，人哋普京送咗部YotaPhone 2畀習近平喎，你肯畀$5,999，就可以同習總用埋同一部機，土豪肯肯定like（假如習總真係會用的話）。再唔係，上eBay望吓有冇俄羅斯人賣機囉，盧布大跌喎，話唔定執到平貨呢。
手機外交？但係唔知習總平日會唔會用自己嘅手機喎。
YotaPhone 2規格售價：$5,999 系統：Android 4.4 制式：FDD-LTE、WCDMA、GSM 屏幕：5" 1,920x1,080 AMOLED、4.7" 960x540 EPD 處理器：Qualcomm Snapdragon 800四核心2.2GHz 記憶體：2GB RAM 鏡頭：後置800萬像素、前置210萬像素儲存空間：內置32GB、microSDXC（最高支援128GB）電池：2,500mAh 體積：144.9x69.4x8.95mm 重量：145g 查詢：ECS　2612 2673

以前強國山寨廠都出過同YotaPhone 2差唔多設計嘅手機，只不過兩邊都係用彩色芒；較近年又係大廠推出嘅呢類機，就興將機面同機背整成可揭式，等兩個芒能夠合併一齊用，就好似呢部NEC MEDIAS W N-05E。