Airbus (空中巴士)一直進行空中的士計劃「Vahana Project」已經有幾年，今年一月 Airbus 更將旗下所研發嘅空中的士作首航測試。日前 Airbus 中負責「Vahana Project」嘅團隊喺 Blog 上分享咗空中的士「Alpha Two」嘅圖片，亦係首次向外界展示的士嘅機內環境。

由 Airbus 分享嘅圖片中可以睇到，空中的士「Alpha Two」外型好似一部巨型航拍機咁，螺旋槳分別放置於機身四個角落。而「Alpha Two」機體內裡只設有一個座位，無設有駕駛艙，相信「Alpha Two」會由 A.I. 操作飛行。機內仲設有一個高清屏幕，而透過一體化嘅玻璃機門，乘客仲可以喺機上飽覽空中景色。

據了解，Airbus 早前進行嘅飛行測試順利完成，不過測試期間「Alpha Two」只係喺離地約16英呎徘徊咗幾秒鐘。相信「Vahana Project」團隊係正式推出「Alpha Two」仲有大量開發及測試工作要做，但目前至少可以了解到空中的士嘅外觀係點。

來源：Engadget