- SITE MAP
- |
- CONTACT US
- |
- ADVERTISING
- |
- PRIVACY
- |
- MOBILE
- |
- RSS
等咗好耐嘅 Beats 全新真無線耳機 Powerbeats Pro 至今尚未推出,有消息指香港要到7月先至正式公開發售,辛苦各位期待咗咁耐仲要一等再等!不過喺等待期間不妨睇吓筆者試用後有咩評價,以及對比第二代 AirPods 有咩優劣之處。 |
|
上次 Beats 主腦Luke Wood 帶咗全新 Powerbeats Pro 嚟香港畀傳媒試玩,筆者亦短暫測試咗一陣,而上月 Beats 就正式將產品寄畀各媒體進行測試,而以筆者所知香港所有媒體暫時都只係收到黑色版 Powerbeats Pro,另外嘅象牙白、叢林綠、海軍藍3色就未有出現喇! |
|
跑步使用比上代更Free 咁 Powerbeats Pro 邀請咗唔少世界級運動員宣傳,例如 NBA 球星 Lebron James 等等,咁耳機當然係以運動性能為主要賣點啦!其實筆者本身已經有使用上一代 Powerbeats3 Wireless 作平日跑步聽歌之用,不過佢依然有條連住左右耳機嘅電線,令我平日跑步都會感覺到後腦嘅電線跟隨自己跳動,但唔係話唔好,只係感覺唔夠 Free! |
|
收到 Powerbeats Pro 之後,筆者搵咗晴天嘅日子帶埋新耳機去盡情測試跑步下嘅性能。耳機嘅耳掛比起上一代更為貼耳,簡單嚟講跑嘅時候更舒服;而完全無電線接駁嘅真無線 Powerbeats Pro 令我完全感覺得咩係 Free,無論我跑步時點樣左右擰頭都唔會因為有電線嘅關係,拉扯到耳機喺耳仔上嘅位置,加上有耳掛勾住,亦唔擔心有跌落嘅風險! |
|
耳機勝任雨中使用 Powerbeats Pro 用得嚟做運動當然要兼顧到流汗、落雨等情況,喺 Apple 嘅官方網站上就指出 Powerbeats Pro 有抗水抗汗功能,相信能夠應付一般流汗同落雨嘅情況。不過今次筆者就更大膽,將成隻耳機浸咗入水中(唔建議讀者咁做),沉咗大概20分鐘左右後,拎出嚟戴返上耳仔仍然可以正常使用,所以筆者認為 Powerbeats Pro 能夠勝任雨中等惡劣環境使用。 |
|
便攜配襯較AirPods遜色 當然 Powerbeats Pro 都唔係無佢嘅缺點,尤其是男士經常唔帶袋出街嘅話,相信你未必會選擇用 Powerbeats Pro 喇,因為對比起 AirPods 佢嘅耳機盒體積應該大咗一倍,放落褲袋的話會相當兀突,亦都唔方便。 |
|
而且外觀上 Powerbeats Pro 有耳掛配備,並非適合任何場合穿戴,反而 AirPods 喺便攜同配襯方面就更為優勝。不過筆者搵嚟 MenClub 另一戴眼鏡編輯試戴後,發現戴住眼鏡再戴上 Powerbeats Pro 都唔會有唔舒服情況出現,跑跳亦無移位。 |
|
繼承AirPods優點 不過以性能上嘅比較的話,Powerbeats Pro 與第二代 AirPods 都同上咗 H1 晶片,同樣可以免接觸啟動「Hey Siri」功能,而兩者嘅「Hey Siri」速度相約,都係1秒之內能夠啟動。用上咗 H1 晶片後,Powerbeats Pro 繼承咗 AirPods 嘅單邊使用優點,只戴上耳機任可一邊都可以使用。 |
|
比AirPods實用度更高 當然 Powerbeats Pro 嘅售價為港幣$1,988,高出咗 AirPods 一截,大家追求嘅當然唔係同 AirPods 打和咁簡單。Powerbeats Pro 保留上一代有實體鍵嘅設計,用家可以透過耳機上嘅「b」字進行播歌、暫停、下一首、上一首、快進、後退等動作,而原本上一代設於耳機電線嘅音量掣亦移植都左右耳機之上,啫係話用家單邊使用都可以用到上述提及嘅實體鍵功能,令 Powerbeats Pro 實用度大大提升! |
|
音質比AirPods更厚、清脆 低頻聲具爆發力 聽歌方面,由於 Powerbeats Pro 採用咗活塞式結構驅動,並於耳塞腔體外加入兩個細小吸氣及出氣孔,可以製造加壓氣流產生聲場,並減低耳腔內氣壓,令音樂嘅低頻聲音聽起上嚟更具有爆發力,質感亦更厚、清脆,對畀 AirPods 的話可以係話更勝一籌。而由於 Powerbeats Pro 用上咗入耳式設計,隔音同漏音表現比 AirPods 好得多,通話質素就與 AirPods表現相約。 |
|
Powerbeats Pro 每邊耳機可以各自聽歌9個鐘,而加上耳機充電盒的話,可以合共提供24小時聽歌時間,絕對足夠大家日常使用。另外 Powerbeats Pro 同樣可以用於Android 裝置之上,只係唔支援aptX 編碼。 |
|
PowerBeats Pro 技術規格: .特色 : 藍牙、無線功能 .外形設計 : 耳掛、入耳式 .連線 : 藍牙、無線功能 .電池 : 可充電式鋰電池 .售價:港幣$1,988 .推出日期:預計今年7月於香港推出 |