用無人機作速遞送貨究竟幾時會普及呢？相信不出幾年已經有可能見到。全最大快遞公司之一 UPS 目前正建立一間名為 UPS Flight Forward 嘅直屬子公司，並向美國聯邦航空總署 (FAA) 申請 Part 135 認證，希望能夠以無人機於美國境內運送貨物。其 UPS 早於今年3月已經展開無人機運送醫療用品嘅快遞服務，相信距離商業化已經越嚟越近。

據美國科技網站 TechCrunch 報道指，UPS 已經就無人機 (無人駕駛飛機)速遞業務定下重大計劃，目前亦正在建立一家名爲 UPS Flight Forward Inc. 全資附屬公司，專注於無人機快遞方面。

報道續指，UPS Flight Forward 已經向 FAA 申請 Part 135 認證，一旦獲批將成為美國其中一間率先獲得全面認證，並提供恆常航班無人機速遞服務嘅營運商重難，而包括 Uber Eats 及 Amazon Air 在內嘅其他公司亦有就相關認證進行申請，但尚未獲批。

不過 UPS 其實早於今年3月已經開始咗以無人機速遞物品，UPS 根據聯 FAA Part 107 守則，與無人機公司 Matternet 及位於美國北卡羅來納州 Raleigh 嘅 WakeMed 醫院合作，展開咗無人機運送醫療用品嘅快遞服務。當時 UPS 指出，以無人機運送貨物除咗可以避免陸路運送誤時，亦可以提升醫療傳送效率、減少運輸成本。

來源：TechCrunch