早前英國報章《The Guardian》報道指出，Apple 承包商為咗確保 Siri 準確性，iPhone 等裝置會長期竊聽用戶隱私，內容包括用戶與醫生嘅對話，甚至毒品交易都成為咗竊聽目標。事件曝光後，Apple 曾對外回應及澄清指，只有小部分內容用作分析。但為咗釋除大眾疑慮，Apple 正式於全球叫停整個分析計劃，而用戶未來亦可以選擇退出計劃。

英國報章《The Guardian》今年2月引述 Apple 承包商員工爆料指，承包商為咗確保 Siri 準確性，Siri 會喺 Sir i用戶不知情嘅情況下觸發，錄低用所戶唔少私密或機密對話，當中包括毒品交易、醫療資訊及用戶親密床事等聲音，而呢啲資訊會自動回傳到第三方承包商，造成個人隱私權受到侵犯。

當消息曝光後，一直以個人隱私為重嘅 Apple 立即對外回應及澄清指，Siri 有錄低用戶對話，但只有小部用作分析。而今日，Apple 發言人發聲明表示，Apple 正暫停全球分析計劃，並進行徹底審查，喺未來軟體更新中，用戶將可以選擇自行退出計劃。

來源：9to5mac