{ SKIP }
文:MenClub 波特先生  圖:互聯網
POSTED ON 19 Aug 2019

相信有用開iPhone嘅你,都知道iPhone有咩較為唔好嘅地方,其中唔能夠換電係重大致命傷之一,特別係電池會出現耗損,用耐左就會好快無電,所以唔少人都會選擇出外去換一舊新電,令自己部iPhone可以繼續用落去。

不過,拎iPhone出外換電黎緊可能會成絕響,因為Apple已經有方法去令你出外換電後,你部iPhone會變得不再方便使用。

Apple目前正準備推出一個新措施,就係喺iOS入面激活一個叫做「休眠軟件鎖」,當iPhone手機換入第三方嘅電池後,呢個軟件鎖就會喺手機屏蔽電池健康等功能,例如你唔再能夠見到手機仲有幾多電,而你舊電嘅損耗程度亦唔能夠再顯示出黎。

當然你部iPhone係仲可以正常用嘅,只係你唔能夠再掌握電池嘅情況,咁可能會導致你手機原來已經無電而突然關機,所以你可以做嘅就只有斷估。影響唔算非常大,但就變得唔方便。

所以,Apple今次呢個措施對自己有著不少保障,同時亦都可能令一眾換電高手再無用武之地了。

Tesla創辦人Elon Musk亦用個人Twitter轉推,淡淡地留咗句「說真的,之前跟Bill Gates的對話都不是很有趣。」似乎是反擊Bill Gates指電動車未準備好嘅言論。
tech
Bill Gates讚你唔買你 Elon Musk嬲嬲「同佢講嘢唔有趣」
20 Feb 2020
係咪真係work既呢?
tech
【食鹽+水 自製消毒水】小米有品眾籌呢部機係咪真係得?
20 Feb 2020