近日唔少大公司都捲入竊聽疑雲，其中包括微軟、Facebook等，而最新被確認對用戶進行竊聽嘅就係Apple公司，對於指控Apple瞬速作出反應，並承認錯誤兼且道歉。

根據調查結果顯示，Apple嘅智能助理Siri正正就係今次竊聽嘅起源。消息指，Siri喺質素評估過程中會使用真人聆聽Siri當中嘅語音錄音，即係Siri錄音檔可以被第三者聽取，而當中嘅錄音包括非法行為、性行為等，因此被批評嚴重侵犯用戶私隱。

對於侵犯用戶私隱嘅指控，Apple回應：「在進行檢討得出結果後，我地發現過往嘅做法未能完全符合我地嘅最高期望，對此我地深感抱歉。」

「正如我地之前宣佈，我地已經停止Siri嘅評級計劃，並已經計劃好快會對軟件進行更新。」

對於Siri嘅問題，Apple承諾會進行改變，其中包括公司將不會保留用戶對Siri的語音錄音，除非用戶自願選擇幫Siri變得更好。

知錯難改幾時都係正面的，否則不知悔改，最終令事件變得一發不可收拾，咁就一切都太遲了。