Apple公司較早前推出嘅全新降噪無線耳機AirPods Pro，其音質及降噪能力獲得外界肯定，而作為apple嘅Fans當然少不免盡快擁有一對。不過，如果你係好有錢嘅人，又點會甘心只係擁有一對唔少人都可以擁有嘅耳機呢？

俄羅斯奢侈品公司Caviar就睇準呢個機會，推出一款黃金版AirPods Pro，要知道佢唔係單係金色咁簡單，佢真係由18K黃金打造，並且該公司只係全球限量發售一對，售價高達＄67790美元，亦即係超過53萬港元。

當然，呢個Caviar黃金版AirPods Pro功能上與一般嘅係無分別，不過單係黃金材質嘅奢華外表、Caviar嘅Logo，以及全球限量一對，作為一個有錢人咪就係想咁特別囉。