七月嘅時候我哋介紹過美國Klipsch影音廠出品的超靚耳機盒真無線耳機Klipsch T5 True Wireless,以彷照打火機盒嘅造型，獲得巨大嘅成功成為近期其中一款最熱賣嘅無線耳機。不過面對近期蕭條嘅經濟同埋眾多嘅無線耳機對手，Klipsch決定再出手推出同樣實力但平一半實惠抵玩的平價型號全新S1 True Wireless，唔再有型到喊的打火機型耳機盒但依然有正正常常精細耳機盒兼附送Qi無線充電墊，加埋原有的Klipsch T5 True Wireless，可謂通殺平價同中價兩個市場，有人話Klipsch的調聲係無線耳機當中最好的音質，我就認為評價太誇，相對幾千銀的高價耳機，千幾銀的Klipsch真無線耳機點可能最好，用下腦講下性價比就好了。

根據Klipsch廠法的說法，S1 True Wireless是一款全新的真無線耳機型號，比T5的價格更低，故此近乎所有Klipsch迷都可以輕鬆購買同體驗。雖然價格較何平，但廠方仍會使用頻率範圍為20Hz-20kHz的10mm動態驅動單元來謹慎調節S1的聲音，以確保客戶仍能享受到Klipsch的音質。 

S1 True Wireless的內置電池提供高達 6 小時的續航力，並可透過充電盒提供額外15小時續航力。結合品牌專利設計的橢圓形耳塞，為用家帶來極致舒適感及完美音色。最後講講價格Klipsch S1 True Wireless 真無線耳機定價港幣1,299元 

如果你聽過Klipsch號角喇叭嘅音樂傳奇， 想搵一個識音樂崇尚靚聲嘅品牌，Klipsch係其中一個好嘅選擇。 老實講畀我就會買對上一級擁有靚仔型喊打火機型耳機後嘅T5 True Wireless耳機，最近佢地推出左特別版配色「黑色三重奏」（Triple Black），但我都係覺得原色銀色最靚。