其實好多人都知道Sony未必再會推出新的PSV手提遊戲機，不過講到出口嘅分手又係另一件事，Sony互動娛樂（SIE）總裁 Jim Ryan 向媒體證實，目前唔會有下一部手提遊戲主機的開發計劃，即是話PSV2 正式壽終正寢。 連帶手提遊戲機市場相信都可能成為回憶， 未來可能係屬於新世代雲端遊戲同埋手機遊戲市場，當然都仲有萬眾期待嘅PS5。

話時話PlayStation Vita 喺 2011 年 12 月正式推出，屈指一算已經過了 8 年，雖然近年都仍有少數遊戲持續推出，不過整體市場計劃幾乎已一早沉寂，Sony其實已經不時放出「收皮」風向，所以對於不少昔日熱愛 PSV 的玩家來講已經做足哂心理準備，只係等佢宣佈。最後，當總裁 Jim Ryan 接受 GameInformer 訪問時，證實Spny不會再推出 PlayStation Vita 後續機種。

作為手提遊戲機PlayStation Vita 係時代嘅尖端，係許多層面非常出色，擁有良好嘅實際遊戲體驗，但是顯然邁向2020年嘅新世代已經唔再需要一部手提遊戲機。 咁正式意味著sony將會告別手提遊戲機市場。

簡單回顧幾句手提遊戲機市場至70年代起發展，喺智慧型電話正式成為大眾打機嘅主流之前，手提遊戲機曾經瘋魔世代，每一個香港男孩嘅成長入面或多或少都有相關回憶。 

經sony 此一變卦，就連長期制霸手提遊戲機市場的任天堂都趨向保守態度，暫緩 3DS 發展改以家用遊戲主機、手提流動兩者兼具的 Nintendo Switch 應戰，更在 2019 年 9 月推出偏重攜帶型為主的 Switch Lite。 日後可能只剩下任天堂繼續歷史任務。

 未來嘅發展如何？ 相信會成為一代遊戲迷經歷史回憶！