近日有人報稱淘寶唔賣口罩給香港，我真係恭喜你，會去淘口罩者必為智將，等我話你知，而家我哋需要仰望嘅係全新的科技新世代口罩，美國CES展最適合香港人又最受中國人期待搶購的唔係咩影音科技玩物，而是這個Ao Air推出Atmos Faceware 新世代空氣過濾面罩，美其名為解決全球日益嚴重的空氣污染問題。Atmos Faceware剛於2020年CES亮相，賣價為350 美元（約港幣HK$2,700），而家一盒普通口罩炒到500蚊我諗呢個救命新科技七月出貨好大機會大家要食炒價。 呢個電子面罩內置風扇每分鐘可以提供240升過濾空氣， 過濾器可以持續約一個月時間(取決於環境！) 電池則可以用五小時，人類可能即將踏入月供新鮮空氣嘅恐怖新世代！！

Ao Air的Atmos Faceware採用具有未來感的外觀設計，以全新空氣過濾器面罩形式的解決全球日益嚴重的空氣污染和病毒問題。 實際係一個遮蓋住您的鼻同口的透明面具即係口罩。 產品據稱唔會受到自然呼吸影響，帶住別人都肯定睇到你嘅笑容。呢個技術的工作原理如下：面罩內部包括小型風扇，可以適應您的呼吸和吸取來自面罩過濾的清潔空氣，每分鐘約可以過濾240升空氣。

“一般口罩要求您的肺部通過將空氣穿過面罩過濾運作，然後再進入肺部來完成工作。係一種負壓系統。” Ao Air在其網站的“常見問題解答”部分解釋產品原理。“ Atmos通過使用鋰離子動力風扇推動空氣穿過過濾器為您服務。這會在您的臉部產生一股潔淨的空氣，準備好您的下一次呼吸時使用正壓系統。”簡單講就係有一部小型空氣清新機帶住喺你頭部，而又兼具時尚的透明設計。Ao Air 表示，佩戴 Atmos 口罩不止係一種健康的選擇，亦都係一種設計的選擇。

口罩的過濾器可持續運作約一個月(感覺似食水過濾器)，具體取決於環境空氣質量，而電池可持續約五個小時，具體又取決於你肺活量，身體活動和空氣質量。一個全新口罩連同４個過濾器。 Atmos的重量輕巧不足290克（不到1磅），由矽膠製成。雖然唔防水，但可以承受微微細雨環境和一般汗水。 

據廠商Ao Air聲稱其保護性能是其他競爭對手即其他口罩產品50倍以上，而數據係來自奧克蘭理工大學的獨立測試。（相關數據未經正式評核！）面罩可保護由灰塵顆粒，花粉，黴菌孢子，寵物皮屑，污染甚至灰燼而導致的不良空氣。 

講多無謂，試玩最實際，廠方已經接受預訂價錢係350蚊美金即係港紙二千七百元， 廠方表示口罩預計七月開始發貨。 個人認為如果廠方贊助帶隊一人一口罩組團入武漢參加旅行團， 將會係市場上最震撼有效嘅市場推廣活動。 屆時Ao Air應該可以進一步成為新世代繼蘋果之後最有升值潛力嘅公司。個個月要換內膽，又要叉電(相信電量會是下一代改良重點！)，其實係咪即入會月供空氣！！

講多無謂訂購最實際如果你覺得二千七百蚊可以為你帶來一線生機，快啲去訂購否則我怕你要食炒價。如果呢篇係廣告我只期望Ao air睇到送十個比我......