白頭人送黑頭人絕對令人傷心欲絕，而如果有機會令你見得番已經離世嘅親人，唔知你又想唔想呢？韓國電視台MBC其中一個節目《MBC Documentary Special》就利用VR技術，為一位母親再見三年前離世嘅女兒，場面令人淚崩。

一位韓國母親本來誕下四位子女，而其中排名第三嘅女兒Nayeon有一日喉嚨痛入醫院檢查，本來一家人都以為只係普通感冒，誰不知最終發現Nayeon竟然患上血癌...經過一輪檢查及進行康後療程，Nayeon還是離世了...

就喺Nayeon離世後三年，MBC與VR技術公司合作，花了8個月時間分析Nayeon嘅相片、聲音、視頻、表情等等，最終於VR世界中重現Nayeon，而母親進入VR世界重遇女兒Nayeon一刻隨即淚崩。

雖然以上影片沒有字幕，但都能夠完全感受到母親能夠再見女兒嘅感動，身處旁邊嘅一眾工作人員無一個唔被感動到喊。影片結尾，VR中的Nayeon安慰母親不要再哭，而媽媽亦回應：「我不會哭，我不會想妳，但我會更愛妳。」

老土都要講一句：珍惜眼前人。