5軸5級拍片防震　Olympus OM-D E-M5 Mark II

文：MenClub Patrick　　圖：MenClub
POSTED ON 06 Feb 2015

3年前，Olympus創立OM-D系列，頭炮E-M5的優雅復古外形及5軸防震系統，在當時確實相當突破。但係3年過去，優雅復古外形總會失去新鮮感，5軸防震系統亦逐漸被其他廠DC廣泛應用，OM-D系列要再出新機，就要另尋賣點。Sell咩好呢？眼見現在用家用DC拍片的比率愈來愈高，今次Olympus推出OM-D E-M5 Mark II，就決定主打拍片功能！
照舊有銀黑同全黑兩色揀，但當然係銀黑色個樣似經典菲林機多啲。而今次的鎂合金機身，還具備四防能力。
5軸5級防震系統 E-M5 MkII的拍片功能勁喺邊？原來都係關5軸防震系統事，因為目前其他具備5軸防震系統的DC（主要講緊Sony A7 II ），最高的防震級數只去到4.5級，但E-M5 MkII就係首部去到5級的DC，所以它的防震系統又叫做「5軸5級防震」。咁多個「5」，其實係乜嚟？「5軸」，大家都知係指透過上下、左右、水平、垂直、旋轉5條軸去移動感光元件，以達致防震效果；而「5級」就係指防震效能，可以去到5級安全快門的效果，例如本來用1/10秒快門影已經鬆郁朦的相片，有5軸5級防震系統的話，就可能校慢到用1秒快門去影才會出事。
跟上代一樣，採用1,610萬像素的Live MOS，硬件沒有大變。機背繼續配備電子觀景器，但不像上代般拱起一嚿，而且像素由140萬增至236萬，畫質更高。
Handheld見得人熟悉Olympus DC的Genltemen，可能會話比E-M5高一級的E-M1，一早也配備了5軸5級防震系統，有咩咁新奇？但係正如一開始已經講咗，E-M5 MkII係主打拍片的DC，所以今次的防震系統被改進到更適合用來拍片（廠方又叫做「Movie IS」），能讓用家手持連續拍攝，而減低畫面的晃動。就發布會現場作初步測試，追住model去拍段片，之前在沒有使用5軸5級防震功能的情況下，畫面真係震過車震。但之後開動了5軸5級防震系統再拍得以下這段試片，畫面雖不能說立即穩定晒，但起碼冇搖得咁難頂，勉強可以up上網跟人分享，好過冇！
右機頂依舊設有兩個設定轉輪，但功能按鈕則由兩個加到4個。模式轉盤就仍然設於左機頂。
千六萬像素變四千萬最估不到的是，E-M5 MkII的防震系統竟然還有插值功能！事關一般情況下，感光元件每粒像素點只會用部分面積去記錄影像，其實還留有空間作其他用途。但E-M5 MkII卻設有一個高解像度模式，選用之後影相，每按一次快門，它都會自動拍下8張相，然後合成為1張。而感光元件每影1張相時，都會比前1張平移少少，換句話說，最終得出的1張相，其實包含了8張不同的相片，所以像素可由感光元件本身只有的1,610萬，大幅增加至4,000萬。你問點解感光元作在影相時識平移？這正是E-M5 MkII的5軸防震系統的特性之一嘛！Olympus更強調，這種技術跟其他DC經軟件去插值有好大分別，因為所有像素真係靠感光元件「影返嚟」，所以實在及細緻得多。不過Olympus建議用這功能時，最好都係set腳架，以確保能得出穩定清晰的合成相片，同埋咁樣影一張4,000萬像素相，每次大約要等2、3秒。雖然聽落這個功能好新穎，但實用性似乎不高，除了會晒相的人較有需要外，就係當大家想從原相中裁一小部分出來用時，才會希望相片有4,000萬像素。
3吋觸控屏幕由上代向上下揭，改為今代可打橫揭開兼270度旋轉；畫面像素亦由上代60萬像素增至103.7萬。採用BLN-1電池，大約可影350張相。
簡單來個總結，就係Olympus想借E-M5 MkII去同其他廠、其他感光元件格式的拍片DC鍊過！咩人最啱用佢？咪就係用開M4/3機種，已經有M4/3鏡頭跟身，但現家想主力拍片的用家囉！不過E-M5 MkII都唔平，淨Body索價$9,590，比3年前初代E-M5新出時還貴了$600，值唔值，你諗你喇！
試相 1/40s、f5.5、ISO 400 1/10s、f5.5、ISO 100 1/13s、f4.5、ISO 100
Olympus OM-D E-M5 Mark II規格售價：$9,590（淨機身）　　　$13,490（連14-150mm f3.0-5.6 II鏡頭）　　　$15,990（連12-40mm f2.8 Pro鏡頭）感光元件：4/3" Live MOS 鏡頭接環：Micro 4/3 有效像素：1,610萬快門：1/8,000-60秒（電子快門支援至1/16,000秒）、B 感光度：ISO LOW（相當於ISO 100）-ISO 25600 相片格式：RAW（12 bit）、JPEG、RAW+JPEG、MPO 最高影片格式：1,920x1,080@60p 屏幕：轉動式觸控3" 103.7萬像素記憶卡：SDXC 體積：123.7x85x44.5mm 重量：469g 推出日期：2月下旬查詢：Olympus　www.olympus.com.hk

COMMENT

KEYWORD

Olympus OM-D E-M5 Mark II, 5軸5級防震

< PREVIOUS

號外! 小向美奈子再因藏毒被捕

2015-02-06

NEXT >

情人節要好開心？環球草藥補補身

2015-02-07

SOMETHING NEW

以文字為主嘅社交平台「Threads」，自去年7月推出後迅速爆紅，介面簡約而且冇廣告吸引大批網民使用，目前每月活躍用戶已高達2.75億人。但最近有消息指，Threads將於明年開放廣告投放功能，睇嚟社交媒體最後一片淨土 ...

tech

【科技】要來的始終要來！傳Threads將於2025年初加入廣告

15 Nov 2024

由韓國SHIFT UP公司開發，目前係PS5獨佔嘅動作遊戲《劍星》宣佈明年將會推出PC版本。咁唔單止代表各位PC玩家都有望玩到呢隻被DEI社群口誅筆伐、但男玩家可以睇主角「伊芙」爬一條繩爬足一日嘅「神作」，更好可能代表 ...

tech

【電玩】更香的伊芙來了！《劍星》明年推PC版下週推《尼爾：自動人型》DLC

14 Nov 2024

SOMETHING YOU LIKE

3年前，Olympus創立OM-D系列，頭炮E-M5的優雅復古外形及5軸防震系統，在當時確實相當突破。但係3年過去，優雅復古外形總會失去新鮮感，5軸防震系統亦逐漸被其他廠DC廣泛應用，OM-D系列要再出新機，就要另尋賣點。Sell咩好呢？眼見現在用家用DC拍片的比率愈來愈高，今次Olympus推出OM-D E-M5 Mark II，就決定主打拍片功能！
照舊有銀黑同全黑兩色揀，但當然係銀黑色個樣似經典菲林機多啲。而今次的鎂合金機身，還具備四防能力。
5軸5級防震系統 E-M5 MkII的拍片功能勁喺邊？原來都係關5軸防震系統事，因為目前其他具備5軸防震系統的DC（主要講緊Sony A7 II ），最高的防震級數只去到4.5級，但E-M5 MkII就係首部去到5級的DC，所以它的防震系統又叫做「5軸5級防震」。咁多個「5」，其實係乜嚟？「5軸」，大家都知係指透過上下、左右、水平、垂直、旋轉5條軸去移動感光元件，以達致防震效果；而「5級」就係指防震效能，可以去到5級安全快門的效果，例如本來用1/10秒快門影已經鬆郁朦的相片，有5軸5級防震系統的話，就可能校慢到用1秒快門去影才會出事。
跟上代一樣，採用1,610萬像素的Live MOS，硬件沒有大變。機背繼續配備電子觀景器，但不像上代般拱起一嚿，而且像素由140萬增至236萬，畫質更高。
Handheld見得人熟悉Olympus DC的Genltemen，可能會話比E-M5高一級的E-M1，一早也配備了5軸5級防震系統，有咩咁新奇？但係正如一開始已經講咗，E-M5 MkII係主打拍片的DC，所以今次的防震系統被改進到更適合用來拍片（廠方又叫做「Movie IS」），能讓用家手持連續拍攝，而減低畫面的晃動。就發布會現場作初步測試，追住model去拍段片，之前在沒有使用5軸5級防震功能的情況下，畫面真係震過車震。但之後開動了5軸5級防震系統再拍得以下這段試片，畫面雖不能說立即穩定晒，但起碼冇搖得咁難頂，勉強可以up上網跟人分享，好過冇！
右機頂依舊設有兩個設定轉輪，但功能按鈕則由兩個加到4個。模式轉盤就仍然設於左機頂。
千六萬像素變四千萬最估不到的是，E-M5 MkII的防震系統竟然還有插值功能！事關一般情況下，感光元件每粒像素點只會用部分面積去記錄影像，其實還留有空間作其他用途。但E-M5 MkII卻設有一個高解像度模式，選用之後影相，每按一次快門，它都會自動拍下8張相，然後合成為1張。而感光元件每影1張相時，都會比前1張平移少少，換句話說，最終得出的1張相，其實包含了8張不同的相片，所以像素可由感光元件本身只有的1,610萬，大幅增加至4,000萬。你問點解感光元作在影相時識平移？這正是E-M5 MkII的5軸防震系統的特性之一嘛！Olympus更強調，這種技術跟其他DC經軟件去插值有好大分別，因為所有像素真係靠感光元件「影返嚟」，所以實在及細緻得多。不過Olympus建議用這功能時，最好都係set腳架，以確保能得出穩定清晰的合成相片，同埋咁樣影一張4,000萬像素相，每次大約要等2、3秒。雖然聽落這個功能好新穎，但實用性似乎不高，除了會晒相的人較有需要外，就係當大家想從原相中裁一小部分出來用時，才會希望相片有4,000萬像素。
3吋觸控屏幕由上代向上下揭，改為今代可打橫揭開兼270度旋轉；畫面像素亦由上代60萬像素增至103.7萬。採用BLN-1電池，大約可影350張相。
簡單來個總結，就係Olympus想借E-M5 MkII去同其他廠、其他感光元件格式的拍片DC鍊過！咩人最啱用佢？咪就係用開M4/3機種，已經有M4/3鏡頭跟身，但現家想主力拍片的用家囉！不過E-M5 MkII都唔平，淨Body索價$9,590，比3年前初代E-M5新出時還貴了$600，值唔值，你諗你喇！
試相 1/40s、f5.5、ISO 400 1/10s、f5.5、ISO 100 1/13s、f4.5、ISO 100
Olympus OM-D E-M5 Mark II規格售價：$9,590（淨機身）　　　$13,490（連14-150mm f3.0-5.6 II鏡頭）　　　$15,990（連12-40mm f2.8 Pro鏡頭）感光元件：4/3" Live MOS 鏡頭接環：Micro 4/3 有效像素：1,610萬快門：1/8,000-60秒（電子快門支援至1/16,000秒）、B 感光度：ISO LOW（相當於ISO 100）-ISO 25600 相片格式：RAW（12 bit）、JPEG、RAW+JPEG、MPO 最高影片格式：1,920x1,080@60p 屏幕：轉動式觸控3" 103.7萬像素記憶卡：SDXC 體積：123.7x85x44.5mm 重量：469g 推出日期：2月下旬查詢：Olympus　www.olympus.com.hk