早前Apple被發現根據電池老化程度故意限制電話速度，結果造成美國方面嘅集體訴訟，最後Apple方同意和解。近日根據MacRumors指，Apple會拎出5億美金作賠償，每位受害者最多拎到大拿拿25蚊美金，即係兩舊水港紙左右。

據報只要係2017年12月21日前運行iOS 10.2.1或以上嘅iPhone 6、iPhone 6 Plus、iPhone 6S、iPhone 6S Plus或iPhoneSE，以及運行iOS 11.2以上嘅iPhone 7 或 7 Plus就有資格申請賠償，亦設立咗專門網站供用家們提交申請，用家需提交手機Serial No.，網頁上亦提供搜尋工具。值得留意嘅係用家亦可以選擇不接受是此賠償，但據《Verge》所指，除非你係想自己去告Apple，否則就冇呢個需要。

相關案件嘅最後聆訊會於預計於今年12月4日進行，根據網站嘅Q&A，只要得到法庭批准，Apple方會儘快寄出相關支票。BTW，上面講每人有25美金並非最後定案，假若最後申令人數過多，每人分到嘅賠償金額亦會變少。