《Star Wars》中的太空武器Death Star

負責監察地球太空軌道中一切物件嘅美國太空司令部指，俄羅斯衛星「Kosmos 2543」於15日喺另一個俄羅斯人造衛星旁邊發射出一件「不明物體」，而且速度比起「Kosmos 2543」更快，雖然最後冇造成任何碰撞，但就引起美國方面關注。事關據俄羅斯方面嘅說法「Kosmos 2543」理應為一個「監察衛星」，即係用黎監察其他俄羅斯太空物品(如其他衛星或火箭殘骸)嘅衛星，不具備發射任何物體嘅能力。而且Kosmos 2543於上年尾發射後，喺一月時被懷疑與另一個同類衛星Kosmos 2542一同跟蹤美國衛星USA 245。兩件事相加就令美國方面非常關注。

美國太空司令部司令John "Jay" Raymond將軍指，Kosmos 2543所發射嘅「不明物體」是俄羅斯以人造衛星作武器嘅證據，「這是證明俄羅斯正在建立及測試太空武器的進一步證據，亦與克里姆林宮所發表，要威脅美國及盟友的太空資產的政策一致。」

據報英國方面亦就同一事件向俄羅斯投訴。