戴VR Cardboard睇吖，過癮啲㗎！

文：MenClub Patrick　　圖：MenClub
POSTED ON 17 Feb 2015

「戴副立體超睇吖，過癮啲㗎！」自從廿年前睇完《國產凌凌漆》呢一幕，小編就深信識睇鹹書一定係咁睇！只可惜縱使我走遍千山萬水，翻轉埋老廟、鴨記啲鹹書舖，連啲黐頁鹹書我都好勇敢咁揭開去找尋，一直搵到連紅藍立體超都被淘汰埋，都始終搵唔到戴副超睇個胸變大嘅鹹書，令我含恨至今。不過，最近有班年青人終於幫我實現咗呢個願望，事關佢哋整咗副Virtual Reality Cardboard立體超出嚟，唔止睇相好似改版〈夏日寒風〉咁唱：「立體咁滯」，仲能夠將2D片變成3D片添。一副副3D嘅胴體活現喺我眼前，我諗我死而無憾喇！

Google首創㗎！老老竇竇，呢副用卡板整成嘅立體超唔係呢班年青人原創，第一個整嘅其實係Google，叫做「Google Cardboard」，仲喺佢上年個Google I/O大會上面免費派畀參加者做神秘禮物添。不過我冇去Google I/O嘛，梗係冇玩過啦，而家終於喺香港摸到實物，唔好怪我咁遲先咁興奮呀！
未砌之前零件就係得咁多，一眼睇晒。好易摺㗎咋，1分鐘搞擰掂！黐埋條橡筋帶上去，就可以戴上面。
2D都變3D 為防大家唔清楚佢係乜嚟，循例都要講解一下嘅。其實佢只係一個用卡板摺成嘅眼罩，用嗰陣要攝部手機喺前面，透過兩隻眼個窿嗰塊凸凸哋嘅鏡片去睇手機芒。只要手機裝咗某啲識將畫面分成左右兩個影像嘅app（不論Android定iOS），之後無論睇相、睇片抑或打機，經兩塊鏡片折射重疊後睇到嘅畫面，就會出現少少立體感。有啲app仲支援埋電腦串流功能，即係話我喺電腦玩PC game，甚至真係開隻AV睇，再將畫面串流過去手機，就可以用呢副超睇到立體效果喇。當然，實質有幾3D，好視乎個source本身有冇做到立體處理，即係兩個影像有冇專登整到偏移少少。上網好易就搵到呢啲3D片、game同app，其實都有幾多嘢睇。
只要搵到識將畫面分成左右兩個影像嘅手機app，就會睇到3D效果。咁樣攝部手機入去，所以手機不能太大部。說明書唔止教大家點摺眼罩，仲推薦埋多個3D app畀大家玩。唔夠嘅話，自己search「VR」、「VR Player」、「Cardboard」、「Oculus」等關鍵字都會搵到大把。
魏文青表示：「好突！」有好嘢我梗唔會獨食，同事魏文青早排過日本訪問完杉原杏璃之後，一直念念不忘現場目睹杉原壯麗胸脯嘅立體感，覺得喺香港齋睇二次元嘅相片太平凡乏味，於是我做好心借咗個VR Cardboard過佢（乾淨的），畀佢透過翻睇訪問片去重溫嗰種現場立體感。雖然無論影相定拍片，都唔能夠將肉眼睇立體超嘅效果帶到螢光幕去同各位分享，但大家睇見上面條片阿魏生典床典蓆兼伸晒手去揸個款，應該想像得到佢睇到嘅影像係幾咁突出啦！
用呢個《Side-By-Side Video Player》免費app嚟播片，仲識得自動將任何2D影片變成左右兩格。呢張相係夾硬「裝」入VR Cardboard嘅鏡片入面影嘅。睇相好似冇乜嘢，但我睇實物嗰陣，真係見到杉原個胸係突出嚟㗎，嗚呀！！！魏文青試玩咗隻3D game，要佢上下左右四圍轉，先搵條3D公仔女同佢講嘢。但玩嗰陣記住㩒實部手機喎，唔好好似佢咁從高處跌咗我部手機落地！其實我仲幾欣賞嗰班年青人嘅創意同誠意，將副超嘅包裝盒整到模型咁款，但因住俾雙星告喎！
你都想要一個？嗰班年青人而家喺年宵擺緊檔，有心就去維園行轉啦，但係聽講得限量800個，之後我都唔知仲有冇得賣喇。售價：$200 售賣點：維園年宵101號檔（皇室堡直入，《100毛》檔隔籬）查詢：維園101　www.facebook.com/victoriapark101

COMMENT

KEYWORD

Virtual Reality Cardboard, 虛擬實境, 維園101

< PREVIOUS

「怎麼可以J肚肚？」纖腰一定係最好？

2015-02-17

NEXT >

真假巨乳傻傻分不清？

2015-02-18

SOMETHING NEW

以文字為主嘅社交平台「Threads」，自去年7月推出後迅速爆紅，介面簡約而且冇廣告吸引大批網民使用，目前每月活躍用戶已高達2.75億人。但最近有消息指，Threads將於明年開放廣告投放功能，睇嚟社交媒體最後一片淨土 ...

tech

【科技】要來的始終要來！傳Threads將於2025年初加入廣告

15 Nov 2024

由韓國SHIFT UP公司開發，目前係PS5獨佔嘅動作遊戲《劍星》宣佈明年將會推出PC版本。咁唔單止代表各位PC玩家都有望玩到呢隻被DEI社群口誅筆伐、但男玩家可以睇主角「伊芙」爬一條繩爬足一日嘅「神作」，更好可能代表 ...

tech

【電玩】更香的伊芙來了！《劍星》明年推PC版下週推《尼爾：自動人型》DLC

14 Nov 2024

SOMETHING YOU LIKE

「戴副立體超睇吖，過癮啲㗎！」自從廿年前睇完《國產凌凌漆》呢一幕，小編就深信識睇鹹書一定係咁睇！只可惜縱使我走遍千山萬水，翻轉埋老廟、鴨記啲鹹書舖，連啲黐頁鹹書我都好勇敢咁揭開去找尋，一直搵到連紅藍立體超都被淘汰埋，都始終搵唔到戴副超睇個胸變大嘅鹹書，令我含恨至今。不過，最近有班年青人終於幫我實現咗呢個願望，事關佢哋整咗副Virtual Reality Cardboard立體超出嚟，唔止睇相好似改版〈夏日寒風〉咁唱：「立體咁滯」，仲能夠將2D片變成3D片添。一副副3D嘅胴體活現喺我眼前，我諗我死而無憾喇！

Google首創㗎！老老竇竇，呢副用卡板整成嘅立體超唔係呢班年青人原創，第一個整嘅其實係Google，叫做「Google Cardboard」，仲喺佢上年個Google I/O大會上面免費派畀參加者做神秘禮物添。不過我冇去Google I/O嘛，梗係冇玩過啦，而家終於喺香港摸到實物，唔好怪我咁遲先咁興奮呀！
未砌之前零件就係得咁多，一眼睇晒。好易摺㗎咋，1分鐘搞擰掂！黐埋條橡筋帶上去，就可以戴上面。
2D都變3D 為防大家唔清楚佢係乜嚟，循例都要講解一下嘅。其實佢只係一個用卡板摺成嘅眼罩，用嗰陣要攝部手機喺前面，透過兩隻眼個窿嗰塊凸凸哋嘅鏡片去睇手機芒。只要手機裝咗某啲識將畫面分成左右兩個影像嘅app（不論Android定iOS），之後無論睇相、睇片抑或打機，經兩塊鏡片折射重疊後睇到嘅畫面，就會出現少少立體感。有啲app仲支援埋電腦串流功能，即係話我喺電腦玩PC game，甚至真係開隻AV睇，再將畫面串流過去手機，就可以用呢副超睇到立體效果喇。當然，實質有幾3D，好視乎個source本身有冇做到立體處理，即係兩個影像有冇專登整到偏移少少。上網好易就搵到呢啲3D片、game同app，其實都有幾多嘢睇。
只要搵到識將畫面分成左右兩個影像嘅手機app，就會睇到3D效果。咁樣攝部手機入去，所以手機不能太大部。說明書唔止教大家點摺眼罩，仲推薦埋多個3D app畀大家玩。唔夠嘅話，自己search「VR」、「VR Player」、「Cardboard」、「Oculus」等關鍵字都會搵到大把。
魏文青表示：「好突！」有好嘢我梗唔會獨食，同事魏文青早排過日本訪問完杉原杏璃之後，一直念念不忘現場目睹杉原壯麗胸脯嘅立體感，覺得喺香港齋睇二次元嘅相片太平凡乏味，於是我做好心借咗個VR Cardboard過佢（乾淨的），畀佢透過翻睇訪問片去重溫嗰種現場立體感。雖然無論影相定拍片，都唔能夠將肉眼睇立體超嘅效果帶到螢光幕去同各位分享，但大家睇見上面條片阿魏生典床典蓆兼伸晒手去揸個款，應該想像得到佢睇到嘅影像係幾咁突出啦！
用呢個《Side-By-Side Video Player》免費app嚟播片，仲識得自動將任何2D影片變成左右兩格。呢張相係夾硬「裝」入VR Cardboard嘅鏡片入面影嘅。睇相好似冇乜嘢，但我睇實物嗰陣，真係見到杉原個胸係突出嚟㗎，嗚呀！！！魏文青試玩咗隻3D game，要佢上下左右四圍轉，先搵條3D公仔女同佢講嘢。但玩嗰陣記住㩒實部手機喎，唔好好似佢咁從高處跌咗我部手機落地！其實我仲幾欣賞嗰班年青人嘅創意同誠意，將副超嘅包裝盒整到模型咁款，但因住俾雙星告喎！
你都想要一個？嗰班年青人而家喺年宵擺緊檔，有心就去維園行轉啦，但係聽講得限量800個，之後我都唔知仲有冇得賣喇。售價：$200 售賣點：維園年宵101號檔（皇室堡直入，《100毛》檔隔籬）查詢：維園101　www.facebook.com/victoriapark101