8Bitdo 一向推出懷舊風嘅遊戲手掣，例如早兩年就同大家介紹過NE30任天堂Switch街機大掣就係其中之一，不過佢哋最新又推出另一個街機大掣，功能仲全面提升添！

圖片：8Bitdo

先講外貌，老機迷應該一眼就認得出佢係參照NES嘅灰、黑、紅配色，淨係呢個咁能勾起大家兒時回憶嘅樣都已經值得支持。而且佢唔係得個樣，首先右上角嘅P1及P2制，係可以利用「Ultimate software」自行較掣，更可以設定指令串；而最左上角個轉鈕，就係用黎調較面板上係按Switch定PC格式顯示按鈕名稱。至於連接方面，除咗插線之外仲有藍芽同2.4g無線連接，支援Switch及PC (Steam)等平台。內置1000mAh電可以用30個鐘。

對於大掣用家黎講，啲掣嘅手感都係非常重要。而8Bitdo Arcade Stick就容許用家自行更換30mm或24mm按鈕，支搖桿亦支援三和、清水、Happ及IL等多個品牌，原廠唔啱你就自己換到啱為止。

圖片：8Bitdo