據外媒報導，韓國電子大廠Samsung成功奪得美國電訊巨頭之一Verizon未來5年嘅5G設備合約，合約價值為66億美金。

韓聯社指，Samsung會於未來5年內負責供應Verizon建構5G網絡等解決方案，而此合約亦係Samsung公司史上金額最高嘅網絡設備供應合約。分析指Samsung近期能於美國、加拿大、日本、紐西蘭等地與不同電訊商達成5G設備合約，與中國嘅華為被美國政府及盟友制裁不無關係。而隨住Samsung成功奪得Verizon嘅合約，將有助佢爭取其他電訊商嘅同類合約。