著名「爆料人」Jon Prosser日前於Twitter上指，Apple會於美國東部時間9月8日上午9點，亦即香港時間同日晚上九點，以新聞稿發佈新產品。而又根據返佢本人再之前嘅爆料，新產品估計係新Apple Watch及iPad。

Apple press release is currently scheduled for Tuesday (September 8) at 9:00am EST — though, I should note that it’s not locked in until the press has been briefed, day of.

I’ll tweet early that morning to update you if it changes.

— Jon Prosser (@jon_prosser) September 6, 2020

Jon Prosser週日於Twitter上指，Apple會於9月8日發佈新聞稿，但同時亦指呢個日期時間並非「鎖定」，所以一切都係要等到新聞稿見街先知。Jon Prosser亦冇指明新聞稿係關於啲咩，但根據佢於8月頭嘅估計，Apple會於今個星期以新聞稿型式公佈新Apple Watch及新iPad，所以如無意外，8號嘅新聞稿應該係關於呢兩件產品。

據MacRumors指，Apple於8月尾向歐亞經濟委員會 (Eurasian Economic Commission, EEC) 註冊8款Apple Watch及7款iPad。而過去Apple公佈新產品前亦有向EEC註冊。

I wouldn’t get too excited about rumors of new Apple products appearing this week. More likely I think: an announcement of the upcoming (of course virtual) September iPhone/Apple Watch event.

— Mark Gurman (@markgurman) September 6, 2020

不過另一名爆料者Mark Gurman就指，Apple嘅新聞稿應該只係公佈9月線上發佈會嘅詳情，而產品本身都係會等到發佈會當日先公佈。