Amazon較早時間舉行發佈會，公開咗如新款Echo Dot、FireTV Stick之類，但要講到最驚喜嘅，就係公佈2021年會推出一個叫「Always Home Cam」嘅家居監察鏡頭，而佢嘅賣點唔係有幾清、有幾廣角，而係隻Cam係識得飛！

由於Amazon目前只係公開咗一段預告，所以詳細嘅規格、功能等都係未知，但佢呢條長30秒嘅預告就展示咗「Always Home Cam」其實係一部小型無人機，當防盜感應被觸發後就會自動啟動，由個底座到飛出黎拍攝，同時透過APP通知戶主，戶主就可以用電話睇到Always Home Cam拍到嘅畫面，搞掂哂佢仲識自己返返個底座到。憑常理推斷應該都可以由戶主主動用個APP啟動Always Home Cam飛出黎。

目前最大嘅疑問係Always Home Cam究竟飛得穩唔穩定，又點樣解決極大風下嘅收音問題。售價方面為249.99美金，即係二千銀港紙左右。下年先推出。