能夠同心愛嘅人住埋一齊，係一件好幸福嘅事，但同時亦代表大家要面對啲非常現實嘅生活問題——例如食完飯邊個洗碗？當然，唔想洗碗但又唔介意洗錢嘅，係可以買部洗碗碟機返黎代勞，但香港地啲樓空間係有幾咁充足大家都知，所以一部放慳位嘅洗碗碟機就變得非常難能可貴。例如惠而浦嘅SaniCare座檯式洗碗碟機就一個唔錯嘅選擇。

咩都唔好講，先講大細：43 x 41 x 40cm，大概就係一部正常座檯式微波爐咁上下大，只係再高身少少，官方話比起市面上其他同級歐洲座枱式洗碗碟機主要型號要細38%，但就可以放到24件杯杯碟碟，夠4人家庭使用。而且快洗只需28分鐘、最長都係1個鐘洗好乾埋，仲號稱99.99%殺滅大腸桿菌及金黃葡萄球菌。加上機內清潔、多重濾網，HK$3,490免卻你每晚被逼洗碗嘅麻煩、唔記得洗被人鬧嘅風險，如果你係租屋住嘅仲搬得走，睇到我都心動呀！

資料來源：惠而浦