據《CNN》報導，洛杉磯機場附近高空出現疑似使用噴射背包嘅「飛人」，係自8月尾以來第二次發生同樣事件。

圖為著名「Jetman」Vince Reffet，未知與事件有無關係

據《CNN》引述美國聯邦航空總署發言指，最近一次事件是先由一班正飛往洛杉磯機場 (LAX) 嘅台灣中華航空班機報告，指於LAX西北約7公里嘅6000尺高空，見到一個疑似身穿黑衫、揹住銀色飛行器嘅人飛過，但中華航空機組人員當時亦指嗰件嘢「太遠太小」，睇唔清楚究竟係「無人機或是飛行器」。

而於8月尾時，一班飛往LAX嘅美國航空客機及隨後嘅另一班客機，同樣於LAX附近見到一個使用噴射背包飛行嘅人。當時美國航空機組人員指呢個「噴射背包人」距離架機只有30碼 (約27.5米距離)。

係咪你呀Tony Stark

雖然無造成任何意外，但機場附近明顯係禁飛區，所以無論呢件「不明飛行物」真係人定係無人機，都一定觸犯咗某啲法律。美國FBI亦已經接手調查兩宗案件，暫時未公佈調查進度。