航空業一直被指產生大量碳排放，而隨住反對聲越黎越大、各國碳排放限制越黎越高，航空業就急需尋找傳統燃油引擎嘅代替品，而呢個代替品就好有可能係號稱「零碳排放」嘅「氫燃料電力引擎」。

ZeroAvia 9月時成功試飛全球第一架氫燃料電力引擎民航機，該飛機有6個座位，當日於天空飛咗10-15分鐘。ZeroAvia指下一步目標係於3個月內成功試飛250里，大約係倫敦到巴黎嘅距離；2023年延長試飛距離到500里，座位提升到20個並正式推出市場。長遠目標係10年建造能夠飛1000里、有100個位嘅零排放飛機。