就喺早幾日之前，先有消息指Apple就快同Hyundai-Kia傾好合作計劃，準備拍板開工，引起全球廣泛討論。今日外媒Bloomberg報導指出，Apple同Hyundai及旗下公司KIA合作開發Apple Car計劃已經喊停，消息傳出後Hyundai同KIA股價隨即趺咗8%同15%。

Apple咁多年嚟無論對於iPhone定係其他產品消息都非常保密。

據Bloomberg報導，向來保密低調嘅 Apple 因為合作計劃詳情曝光而非常嬲，所以暫停同Hyundai-KIA合作，但唔代表之後唔會再傾返。Bloomberg引述消息人士指Apple亦有同其他車廠傾過合作製造Apple Car，但要求佢哋唔可以洩露有關消息，所以唔知係咪因為Hyundai-KIA爆響口所以搞到合作計劃終止。

Apple Car概念圖。（圖片來源：wccftech）

對於連日廣泛討論嘅合作消息，Hyundai-KIA終於喺今日打破沉默發聲明表示，無同Apple傾過電動車合作方案，並話已經收到多間公司合作開發電動車嘅提案，但全部都係初步階段，並無落實任何協議。