{ SKIP }
文:MenClub 艾力克  
POSTED ON 04 Mar 2021

最近有一班「加密藝術家」(Crypto Artists)買咗街頭藝術家Banksy作品《Morons》並將其燒毀,轉化成NFT(Non-Fungible Token)拍賣,令投資者可以用加密貨幣喺網上競標。

所謂嘅NFT(Non-Fungible Token)係一種新型數位資產,其擁有權將會記錄喺區塊鏈(BlockChain)上。雖然技術上同加密貨幣相似,但Bitcoin每個幣都係等價而相同,而NFT就每一個都係獨一無異,無法取代及拆分。正因為呢個特質,令NFT可以成為證明數位藝術品擁有權,提供新嘅「驗證」方法。

如果數位作品唔似現實名畫咁有「身份證明」,非常容易變得一文不值。

由於現時數位藝術品可以輕易被無限複製,例如創作者畫咗幅素描畫上傳到社交平台,又無落水印嘅話,經網友多次複製及轉載後,好快就無法考究作品出處及原作者,同時亦無法區分真品定係複製品。而NFT嘅出現,就可以令數位資產變得同現實名畫一樣有「身份證明」。

唔講你又知唔知經典meme圖「Nyan Cat」作者係邊個?

根據Forbes報導,喺過去一個月入面,NFT市場創造超過3.5億美金銷售額,專門從事數位肖像買賣平台「Hashmasks」更成為第三大受歡迎NFT交易平台。早排,著名Meme「Nyan Cat」創作者Chris Torres亦將「Nyan Cat」GIF圖翻新,放上NFT交易平台拍賣,最終以300以太幣(Ethereum)賣出,折約468,300美金(約363萬港幣)。

一班加密藝術家燒毀Banksy作品以引大家關注NFT。(圖片截至:Youtube)

回歸正題,班「加密藝術家」買Banksy幅畫嚟燒,正正係為咗證明新時代即將來臨,燒嘅只係物理上嘅作品,然而該作品已轉化為NFT成為數位資產,能夠喺網絡上進行自由買賣。

資料來源:coindeskForbes世界新聞網

唔夠精神揸車確實非常危險,尤其喺外國每次車程講緊要幾個鐘以上,少啲專注力都可能會出事。最近日本就喺高速公路休息站推出新馬桶,等司機喺如廁同時Check下疲勞程度,提醒司機揸幾耐車就要休息一下。 ...
tech
【科技】日本高速公路休息站新馬桶 能測量司機疲勞程度
14 Apr 2021
Apple於今日稍早時間宣布,命名為「Spring Loaded」嘅發布會將於4月20日(香港時間4月21日凌晨1點)舉行。宣傳照嘅手繪Apple LOGO似乎暗示緊將會推出新一代iPad Pro及Apple Pencil! 根據Bloomberg早前 ...
tech
【終於來了!】Apple宣布4月20日舉行春季發布會 或推出新一代iPad Pro!
14 Apr 2021