上個月國際發布嘅小米Mi 11終於抵達香港！Mi 11比起上一代有突破性嘅改進，包括配備1.08億像素三攝鏡頭、Harman Kardon電影級音效、WQHD+ 120Hz螢幕同Qualcomm® Snapdragon™ 888流動平台。Mi 11備有8GB+256GB版本，午夜灰同天際藍兩種顏色選擇，賣港幣$5,699。

1.08億像素三鏡頭相機  升級夜景模式

Mi 11 配備1.08億像素廣角主鏡頭、1,300萬像素超廣角鏡頭和500萬像素長焦微距鏡頭，能夠捕捉媲美專業數碼相機嘅清晰影像以及完美保留細節嘅散景照片。今次Mi 11仲有升級夜景模式 - 極黑夜攝，唔單止係主鏡頭、連超廣角鏡頭同前置鏡頭都有夜景模式，更加採用RAW域降噪，令夜間拍攝更明亮，重新定義手機夜攝標準到另一層次。

玩味攝影 獨特AI電影鏡頭功能

Mi 11加入六款AI電影鏡頭功能，方便大家隨手就可以拍出電影級嘅運鏡鏡頭，例如「平行夢境」可以製造出倒影鏡像嘅電影科幻感；「時間靜止」能讓影片中部分畫面凍結再複製，產生時空靜止特效；更有電影愛好者最鍾意嘅「滑動變焦」，可以同時放大與縮小，影到好似電影級嘅大片！

非凡影音體驗 靚mon + Harman Kardon 喇叭

Mi 11配備120Hz更新率6.81吋AMOLED螢幕，攞咗專業評測機構DisplayMate A+評級同最佳螢幕獎。而超高清WQHD+解像度同10-bit色彩技術，可提供驚人嘅清晰度以及順滑嘅色彩過渡。今次Mi 11仲配埋Harman Kardon雙立體聲揚聲器系統，真係手機都可以有電影級嘅音效體驗！

Qualcomm® Snapdragon™ 888流動平台手機  升級效能表現

Mi 11係第一部配備Qualcomm® Snapdragon™ 888流動平台嘅手機，比Mi 10更快、效能更高，支援2K/120fps/HDR遊戲，配埋最新LiquidCool散熱技術，可以一邊打機一邊散熱，咁就唔怕打打下機lag機啦。

Mi 11電池有4,600mAh(typ)，支援55W有線充電、50W無線充電同10W無線反向充電，跟機附送55W GaN充電器，唔洗單獨買火牛！Mi 11 功能咁全面仲有24個月超長保養同送一次螢幕維修，最緊要係用到Google服務，係2021年值得入手嘅旗艦手機。Mi 11 由3月9日至23日喺mi.com、小米之家、各大零售商及運營商同步接受預訂， 3月30日正式開賣，售價港幣$5,699。