Apple於今日稍早時間宣布，命名為「Spring Loaded」嘅發布會將於4月20日（香港時間4月21日凌晨1點）舉行。宣傳照嘅手繪Apple LOGO似乎暗示緊將會推出新一代iPad Pro及Apple Pencil！

根據Bloomberg早前報導，發布會好有可能會推出新iPad Pro，據傳新機採用12.9吋mini LED螢幕，並搭載更快嘅處理器，性能將與M1晶片相若。另外亦升級咗相機，改成USB-C接口。

至於一直講咗好耐嘅AirTag亦有望喺當日亮相。AirTag係一個大過五蚊銀仔少少嘅定位裝置，能夠透過藍芽連接手機，只要將佢綁喺背囊、鎖匙就能夠用「findmy://items」定位，咁就唔怕唔記得啲嘢放咗喺邊。