香港天氣開始熱，相信大家喺戶外行多步都會出汗，一眾著西裝嘅打工仔走落街相信就更加辛苦。而去年由SONY推出嘅Reon Pocket 穿戴式冷氣機，讓用家可以輕便袋住部隨身冷氣，咁就舒服得多。而黎到今年，估唔到第二代Reon Pocket 咁快就登場！

今次Reon Pocket 穿戴式冷氣機第二代，外型同上一代相差無幾，不過內部構造就進行大變，其中吸熱能力係第一代嘅兩倍，同時製冷能力亦大幅加強，相信今舖真係出面30幾度你都可以Keep住25度恆溫。

另外，Reon Pocket 嘅防汗能力亦有加強，咁就算用家做運動都唔使怕D汗浸濕部機啦，不過當然你太大汗就另計啦。

而部機咁舒服又輕便，價錢1000港紙左右，其公司有機向哥爾夫球推廣，相信就算你無打過Golf都知Golf要長期處於戶外，雖然有哥爾夫球車幫你代步，但係都係好熱，所以如果有呢部Reon Pocket 咁班球手就更加可以打得舒服D啦。