{ SKIP }
文:MenClub 艾力克  
POSTED ON 04 May 2021

隨著夏天將近,令人頭痕兼身痕嘅「蚊」又再次出動,叮到大家又紅又腫,瞓覺嗰陣又喺耳邊飛嚟飛去嘈鬼住晒,相信唔少人都想「蚊」呢個物種能夠減絕。

「基因改造蚊」滅蚊原理。(圖片截自:Oxitec)

最近英國生物科技公司OxITEC就喺美國佛羅里達州釋放首批「基因改造蚊」,以減少寨卡病毒、登革熱、黃熱病等疾病傳播。呢批雄性「基因改造蚊」同雌性野生蚊交配後,所生出嘅雌性蚊將會喺幼蟲階段死亡,而帶有改造基因嘅雄性蚊(唔會叮人)就繼續成長,進一步散播改造基因,從達到滅蚊之效。

據了解,呢種名為「OX5034」嘅「基因改造蚊」,由英國生物科技公司OxITEC花咗近十年時間研究。目前首批14.4萬隻「基因改造蚊」已喺佛羅里達州陸續釋出,每周釋放12000隻,為期12周。OxITEC表示,現階段主要係睇下啲蚊可以飛到幾遠同埋成效如何,為下次大規模釋放做足準備。如果實驗效果良好,預計未來兩年將會喺佛羅里達州及德薩斯州釋出大約10億隻「基因改造蚊」,從而取代某啲殺蟲劇,對農作物及其他昆蟲更有益。

雖然OxITEC嘅「基因改造蚊」經多年研究而成,同時又獲得美國國家環境保護局(EPA)批准,但仍然有唔少人擔心會構造成嚴重生態災難。上年佛洲政府批准該計畫時已經有民眾聯署反對,目前錄得近24萬個簽名,當地多個環保團體亦質疑計劃成效及隱憂。

資料來源:natureusatoday

對於香港呢啲大城市而言,陸路自不然係最方便快捷嘅郵遞方法,不過世上有唔少住得偏遠嘅人每日都為超長郵遞時間而苦惱。近年唔少大型電商同科技巨頭就相繼推出無人機送貨服務,最近就連英國皇家郵局(Royal Mail)亦 ...
tech
【無人機送包裹】英國皇家郵政測試用無人機 為偏遠島嶼送郵件
12 May 2021
唔覺唔覺又黎到年中,如無意外距離Apple推出新一部iPhone又只係淨返半年時間,坊問亦開始出現更多iPhone 13嘅傳聞。而據Macrumors嘅報導,iPhone 13其中一個最大「突點」,就係佢個後鏡頭真係好~~~~突! ...
tech
【iPhone】傳聞指iPhone 13後鏡頭激突一倍
11 May 2021