{ SKIP }
文:MenClub 魏文青  
POSTED ON 02 Jun 2021

依家講「DNA檢測」,大家都會諗到同肺炎有關,但如果早兩年講「DNA檢測」,好有可能就係指當時興起、透過分析DNA了解身體嘅消費性產品。而喺美國,更加興起透過DNA分析了解自己嘅祖先,亦即係所謂嘅遺傳家譜學。不過隨住2018年美國警方利用遺傳家譜學公司建立嘅基因資料庫,搵出上世紀七、八十年代犯下最少12宗謀殺、50幾宗強姦及過百單盜竊案嘅「金州殺手 (Golden State Killers)」後,美國法律界就開始擔心大眾嘅DNA私隱。而馬里蘭及蒙大拿兩個州份最近就通過新法例,限制執法機關使用民間DNA資料庫查案。

GEDmatch官網上嘅介紹。2018年時美國警方就係透過GEDmatch搵到「金州殺手」Joseph James DeAngelo

雖然能夠搵到犯人的確係一件好事,但由於大眾使用遺傳家譜服務時,根本就冇預計到會被用作查案,而且只要家族中有一個人使用過該服務,理論上所有血親嘅DNA資料都已經被公開——據估計只需要130萬人嘅DNA資料,就能分辨出六成有歐洲血統嘅美國人——所以部份州份就開始立法限制執法機關利用民用DNA資料庫查案。

具體黎講,馬里蘭州嘅新法例要求執法機關利用任何民用DNA資料庫查案前,必須得到當地法官許可,而且只限於謀殺、綁架、人口販賣等重罪,執法機關亦只能使用已經明確向使用者標明DNA資料會被用於查案、而使用者又同意嘅DNA資料庫。而蒙大拿州就要求除非使用者自行免去權利,否則執法人員必先取得法庭手令,先可以利用DNA資料庫嘅資料。

Joseph James DeAngelo

美國現存嘅遺傳家譜服務,大概就係你將自己嘅基因資訊分享畀商業公司,商業公司就拎你去同資料庫中嘅基因資料配對,以搵出你嘅血緣譜系,與資料庫中其他人嘅DNA相似度,又或者某人與你嘅基因相似度 (即係驗個仔係唔係你生嗰啲),更重要嘅係該公司仲會提供DNA相似者嘅電郵方便你去聯絡。

而2018年美國警方之所以搵到「金州殺手」Joseph James DeAngelo,就係將犯罪現場搵到嘅基因上載去遺傳家譜服務網站,搵到與該基因配對者嘅身份,再分析其家族成員,最後鎖定Joseph James DeAngelo。

資料來源:The Verge

為應對蘋果iPhone 17系列,小米近日宣布提前在本月發布全新旗艦手機,並直接跳過小米16,命名為小米17系列,就連以往最高階嘅型號「Ultra」都改名叫「Pro Max」。小米創辦人雷軍更直言,小米17系列就是要「全面對標 ...
tech
【手機】小米17 Pro外觀設計曝光 鏡頭模組似新iPhone並配備一塊螢幕
17 Sep 2025
上星期為大家報導過,自從Google推出「AI總結」功能,令用家無需按入網站連結都可以獲得相關資訊後,有外媒表示其網站流量大減89%。因為當時嘅報導無講到媒體公司可以點應對,所以睇落就似乎係肉隨砧板上。不過近日 ...
tech
【AI】AI總結損害網站流量 《滾石雜誌》母公司控告Google
16 Sep 2025