抵食夾大件　4GB RAM手機Asus ZenFone 2

文：MenClub Patrick　　圖：MenClub
POSTED ON 02 Apr 2015

今朝講完Samsung GALAXY S6 edge最貴個版本開價$7,498，算得上係最豪嘅手機咁滯......Well，手機嘅嘢，貴有貴用，平有平用㗎啫，想搵部又平又抵用嘅機，總易過搵個肯同你捱麥記嘅女人！唔係叫大家用強國牌子，我知一定有唔少人抗拒，咁不如試吓台灣牌子囉，就好似Asus呢部ZenFone 2，貴啲嗰個版本都係賣$2,499之嘛，仲要係全球首部有4GB RAM嘅機，連S6 edge都冇呀，夠抵喇啩？各位咪好鍾意台妹嘅，不如都畀個機會台灣手機啦！
筆者幾鍾意機底有少少金屬部分，能為機身增添金屬感。
電腦級CPU+RAM Asus始終係做電腦起家，所以佢連出手機，啲spec.都有啲似電腦，ZenFone 2除咗配備拍得住desktop嘅4GB RAM之外，就連處理器都採用64-bit嘅Intel Atom四核心CPU，而唔用同級手機最常用嘅Qualcomm Snapdragon CPU，睇規格牌面，仲勁過唔少tablet！事實用安兔兔幫ZenFone 2（64GB版）跑分，有成48,762分，只少過S6 edge唔夠1,000分，大佬，價錢相差成$5,000喎，計性價比真係贏晒啦！而ZenFone 2最大賣點嘅4GB RAM，其實有乜用？咪就係等大家開多咗app嘅時候，都冇咁容易lag機囉！唔使得閒就㩒個multi-tasking掣，然後逐個app關閉，或者安裝啲kill task app去一次過終止啲app。而且行3D game等大食app嗰陣，理論上亦都會行得順啲，最緊要又唔係貴，梗係多RAM好過少RAM啦！
安兔兔跑分成績有48,762分，比Samsung GALAXY Note 4更高！留意「運行內存」有3,908MB，即係4GB RAM。
其他硬件唔失禮喺其他方面，ZenFone 2雖然再冇乜特別勁嘅賣點，但起碼唔失禮！好似有5.5吋全高清級嘅大芒同1,300萬像素鏡頭，亦都有得插microSD卡，又有埋雙卡雙待功能，只係佢唔對應大陸4G同3G網絡，呢樣爭少少啫。同埋，佢個背蓋雖然打得開，但就唔可以換電，呢點又要扣少少分咁啦，好彩佢都支援快速充電功能，最快39分鐘就能夠叉滿佢嚿3,000mAh內置電池，叫做彌補番少少呢個缺點。
後置1,300萬像素鏡頭試相前置500萬像素鏡頭試相前後鏡頭都有f2.0大光圈，但似乎前鏡頭質素比後鏡頭更高。後置鏡頭還特設PixelMaster技術，能喺近乎全黑嘅環境下影到勁光猛嘅相，不過相片像素會由1,300萬降低至得番300萬。
金屬感機身背脊按鈕講到外表，ZenFone 2係就係有少少墜手，但男人冇所謂啦，反而因為佢機面同機邊都有金屬部分，令我對佢嘅造型產生啲好感，不過我覺得其他色版唔及黑色咁好睇。值得提一提嘅，仲有佢將兩粒大細聲掣搬咗去機背，好鬼似近年LG啲機，只保留番開關機掣喺機頂，但其實機頂唔多就手喎，點解唔擺喺機側呢？
背蓋雖然係用膠造，但加上髮絲紋之後，睇落都有啲似金屬造。大細聲掣改放喺機背鏡頭底下。機背底部入面明明係電池位，但背蓋竟然有啲喇叭窿，唔通用嚟散熱？打開背蓋，見到micrSD同兩條SIM卡槽，但電池拆唔到出嚟換。
最後要講番，ZenFone 2分咗兩個版本，分別係內置32GB同64GB儲存空間，前者粒U亦會慢少少（Intel Atom Z3560 1.8GHz），後者就係行Intel Atom Z3580 2.3GHz CPU。但其實兩個版本只爭$400，死人都買貴嗰個版本啦！
採用Asus ZenUI，唔算好特別，但起碼叫做自家嘢。
Asus ZenFone 2規格售價：$2,099（32GB版）/$2,499（64GB版）系統：Android 5.0 制式：FDD-LTE、HSPA+、WCDMA、GSM 屏幕：5.5" 1,080x1,920 IPS 處理器：Intel Atom Z3560 1.8GHz/Z3580 2.3GHz 記憶體：4GB RAM 鏡頭：後置1,300萬像素、前置500萬像素儲存空間：內置32GB/64GB、microSDXC（最高支援64GB）電池：內置式3,000mAh 體積：152.5x77.2x10.9mm 重量：170g 顏色：灰/黑/紅/金查詢：Asus　www.asus.com/hk

COMMENT

KEYWORD

Asus ZenFone 2, 華碩, 4GB RAM

< PREVIOUS

梅原大悟唔打機轉行會計打計數機?

2015-04-02

NEXT >

最後召集小嶋陽菜寫真集

2015-04-02

SOMETHING NEW

由韓國SHIFT UP公司開發，目前係PS5獨佔嘅動作遊戲《劍星》宣佈明年將會推出PC版本。咁唔單止代表各位PC玩家都有望玩到呢隻被DEI社群口誅筆伐、但男玩家可以睇主角「伊芙」爬一條繩爬足一日嘅「神作」，更好可能代表 ...

tech

【電玩】更香的伊芙來了！《劍星》明年推PC版下週推《尼爾：自動人型》DLC

14 Nov 2024

現代人「生活」於網上世界嘅時間，分分鐘比於現實世界更多。但其實網上世界可以非常危險，而且有時啲危險仲來自啲你估佢唔到、甚至有啲無厘頭嘅地方。例如網絡安全公司「SOPOS」近日就發出緊急警告，呼籲網民唔好於G ...

tech

【科技】網絡安全公司發緊急警告呼籲網民不要搜尋「孟加拉貓」

12 Nov 2024

SOMETHING YOU LIKE

今朝講完Samsung GALAXY S6 edge最貴個版本開價$7,498，算得上係最豪嘅手機咁滯......Well，手機嘅嘢，貴有貴用，平有平用㗎啫，想搵部又平又抵用嘅機，總易過搵個肯同你捱麥記嘅女人！唔係叫大家用強國牌子，我知一定有唔少人抗拒，咁不如試吓台灣牌子囉，就好似Asus呢部ZenFone 2，貴啲嗰個版本都係賣$2,499之嘛，仲要係全球首部有4GB RAM嘅機，連S6 edge都冇呀，夠抵喇啩？各位咪好鍾意台妹嘅，不如都畀個機會台灣手機啦！
筆者幾鍾意機底有少少金屬部分，能為機身增添金屬感。
電腦級CPU+RAM Asus始終係做電腦起家，所以佢連出手機，啲spec.都有啲似電腦，ZenFone 2除咗配備拍得住desktop嘅4GB RAM之外，就連處理器都採用64-bit嘅Intel Atom四核心CPU，而唔用同級手機最常用嘅Qualcomm Snapdragon CPU，睇規格牌面，仲勁過唔少tablet！事實用安兔兔幫ZenFone 2（64GB版）跑分，有成48,762分，只少過S6 edge唔夠1,000分，大佬，價錢相差成$5,000喎，計性價比真係贏晒啦！而ZenFone 2最大賣點嘅4GB RAM，其實有乜用？咪就係等大家開多咗app嘅時候，都冇咁容易lag機囉！唔使得閒就㩒個multi-tasking掣，然後逐個app關閉，或者安裝啲kill task app去一次過終止啲app。而且行3D game等大食app嗰陣，理論上亦都會行得順啲，最緊要又唔係貴，梗係多RAM好過少RAM啦！
安兔兔跑分成績有48,762分，比Samsung GALAXY Note 4更高！留意「運行內存」有3,908MB，即係4GB RAM。
其他硬件唔失禮喺其他方面，ZenFone 2雖然再冇乜特別勁嘅賣點，但起碼唔失禮！好似有5.5吋全高清級嘅大芒同1,300萬像素鏡頭，亦都有得插microSD卡，又有埋雙卡雙待功能，只係佢唔對應大陸4G同3G網絡，呢樣爭少少啫。同埋，佢個背蓋雖然打得開，但就唔可以換電，呢點又要扣少少分咁啦，好彩佢都支援快速充電功能，最快39分鐘就能夠叉滿佢嚿3,000mAh內置電池，叫做彌補番少少呢個缺點。
後置1,300萬像素鏡頭試相前置500萬像素鏡頭試相前後鏡頭都有f2.0大光圈，但似乎前鏡頭質素比後鏡頭更高。後置鏡頭還特設PixelMaster技術，能喺近乎全黑嘅環境下影到勁光猛嘅相，不過相片像素會由1,300萬降低至得番300萬。
金屬感機身背脊按鈕講到外表，ZenFone 2係就係有少少墜手，但男人冇所謂啦，反而因為佢機面同機邊都有金屬部分，令我對佢嘅造型產生啲好感，不過我覺得其他色版唔及黑色咁好睇。值得提一提嘅，仲有佢將兩粒大細聲掣搬咗去機背，好鬼似近年LG啲機，只保留番開關機掣喺機頂，但其實機頂唔多就手喎，點解唔擺喺機側呢？
背蓋雖然係用膠造，但加上髮絲紋之後，睇落都有啲似金屬造。大細聲掣改放喺機背鏡頭底下。機背底部入面明明係電池位，但背蓋竟然有啲喇叭窿，唔通用嚟散熱？打開背蓋，見到micrSD同兩條SIM卡槽，但電池拆唔到出嚟換。
最後要講番，ZenFone 2分咗兩個版本，分別係內置32GB同64GB儲存空間，前者粒U亦會慢少少（Intel Atom Z3560 1.8GHz），後者就係行Intel Atom Z3580 2.3GHz CPU。但其實兩個版本只爭$400，死人都買貴嗰個版本啦！
採用Asus ZenUI，唔算好特別，但起碼叫做自家嘢。
Asus ZenFone 2規格售價：$2,099（32GB版）/$2,499（64GB版）系統：Android 5.0 制式：FDD-LTE、HSPA+、WCDMA、GSM 屏幕：5.5" 1,080x1,920 IPS 處理器：Intel Atom Z3560 1.8GHz/Z3580 2.3GHz 記憶體：4GB RAM 鏡頭：後置1,300萬像素、前置500萬像素儲存空間：內置32GB/64GB、microSDXC（最高支援64GB）電池：內置式3,000mAh 體積：152.5x77.2x10.9mm 重量：170g 顏色：灰/黑/紅/金查詢：Asus　www.asus.com/hk