之前搞左好耐先出到世嘅iPhone SE2，雖然叫做換餡不換殼，但始終都可以讓用家以較低門檻投身Apple旗下，所以仍然獲得唔少人支持。而眼見繼續有市場，外界就預計Apple好大機會於明年推出第三代iPhone SE，唔知你又會唔會心動呢?

外界預計，iPhone SE3將保留iPhone 8嘅細機型外殼，但內部當然就會進一步提升，有傳應該會用上iPhone 13嘅零件，並將支援5G上網及A15晶片。

由於細Mon手機依然有唔少支持者，所以平價嘅SE系列繼續行呢個路線都絕對無可厚非，而iPhone 8嘅外殼亦理論上會繼續用上Touch ID，但亦有分析指SE3將去掉Touch ID嘅按鈕，使用全屏幕設計，而提升嘅A15晶片及Snapdragon X60 5G 調製解調器將令手機運算能力加強不少。

以過往嘅經驗，新iPhone SE價位應該都係會大概$3399左右，當然唔排除Apple最終會對起始價進行調整。