隨住疫情持續，愈嚟愈多人轉用電子錢包、八達通及信用卡等「非接觸式」支付方法，藉此降低染疫風險。之但係呢，如果依家連卡同電話都唔使帶，用鏡頭照下你個靚仔/女樣幾秒就可以畀錢，大家又會唔會接受呢種新支持方法，又怕唔怕私隱因而外洩呢？

（圖片截自：Financial Times）

近日英國北艾爾郡（North Ayrshire）9間學校於飯堂設立人臉辨識系統，學生揀完飯菜只要望一望個鏡頭就可以走人，整個付款過程方便、快捷、衛生。負責該系統嘅CRB Cunninghams公司總經理David Swanston就聲稱，人臉辨識比起指紋或銀行卡付款更快，令每個學生交易平均時間縮短至5秒，而且個系統早於上年就喺東北部一間學校試用，目前共有65間學校落實會引進呢套系統。

（圖片截自：CRB Cunninghams）

每當提到「人臉辨識」自不然引嚟私隱疑慮，其中英國私隱權益組織Big Brother Watch成員Silkie Carlo就直指「你毋須用到機場嘅技術令小朋友獲得午餐。」若果第時連一般餐廳都可以「靠樣食飯」，唔知大家又會唔會用呢？