最近Apple因為出咗塊價值HK$149嘅擦拭布引起熱烈討論，其中有民網戲稱為「信仰之布」，用嚟測試迷果嘅忠誠度，另外亦有人批評係「智商稅」產品。唔知係太多人「口裡說不」，定抑或係死忠太多，結果塊布好快就賣到缺貨，依家訂最快都要等到出年先到手。就喺今日稍早時間，第一批買家就表示已經收到貨，並曬出多張開箱照，大家一齊睇下塊布究竟有咩咁特別！

據Twitter網友Karagana分享，擦拭布由一個好大嘅包裝盒裝住，同iPhone 13包裝一樣採用紙質撕拉式封條，打開後可以見到塊布本體，同埋一張紙寫住「可在所有 Apple 顯示器和表面安全使用，如需偶爾清潔 Nano-texture 納米紋理玻璃上難以去除的污迹，可搭配使用濃度為 70% 的異丙醇(IPA) 溶液。」

至於大家都好奇嘅製作物料亦終於揭曉，從盒上嘅標籤可以見到塊布主要由尼龍及聚氨酯（PU）製成，由美國設計及中國製造。