目前貴州有一座全球最大、俗稱為「中國天眼」嘅射電望遠鏡（FAST），可用於天體觀測，甚至搵外星人所發出嘅電波訊號。然而中國嘅野心不止於此，日前中國科學院院士武向平宣布，緊嚟會再建5座同級望遠鏡，與FAST組成巨大陣列，並聲稱將領先世界50年。

據了解，被喻為「中國天眼」嘅500米口徑射電望遠鏡（FAST），係目前全球最大、最靈敏嘅單口射電望遠鏡，面積相等於30足球場，並對全球科學家開放使用，自啟用至今已發現數百顆全新脈衝星。但中國有關當局野心更大，日前科學院院士武向平就話要起多5座，而且仲話目前嘅天眼未夠大，可以再起大啲。

順帶一提，當年「天眼」都未起嗰陣，已故著名物理學家霍金（Stephen Hawking）就多次公開警告，認為尋找外星人非常危險，可能會帶來浩劫。外星人拜訪地球，情況將會同當初哥倫布發現美洲一樣，對當地土著百害而無一利。