{ SKIP }
文:MenClub 艾力克  
POSTED ON 22 Nov 2021

早前同大家提及過,雖然Apple係一間無人不知嘅大企業,但由於其充滿「祕密」嘅作風,所以內部發生咩事其實冇咩人知,於是有班員工就決定走出嚟成立工會「#AppleToo」,披露公司各種不平等待遇。經過長達3個月抗議,日前Apple終於讓步,容許員工公開討論薪酬待遇。

綜合外媒報導,Apple向來禁止員工討論公司招聘、薪酬以及遙距工作政策,而且內部更充滿孤立、貶低及操控,以及大量性別、種族歧視問題,即使員工向上司及人事部投訴都冇人會理,於是忍無可忍嘅Janneke Parrish及Cher Scarlett就喺今8月成立一個名為「#AppleToo」嘅工會組織發起場抗爭運動,收集所有Apple員工遭受過嘅「歧視、不公、恐嚇、打壓、脅逼、無理懲罰及無約束的特權」事件。隨住事情不斷發酵,愈嚟愈多現任及前員工走出嚟爆料,分享各自曾經遇過嘅同工不同酬、種族歧視、甚至性騷擾等經歷。

經過3個月抗議運動,日前Apple終於作出讓步,宣布員工有權並可以用最舒適嘅方式,談論薪酬及工作條件,並稱聲稱公司致力為員工提供一個安全、受尊重以及受鼓舞嘅工作環境。之不過就喺「#AppleToo」取得階段性勝利後,發起人之一嘅Cher Scarlett就宣布辭職,佢就表示已同蘋果達成協議,辭職完全出於自願。

資料來源:CNNNBC

最近著名Apple分析師郭明錤透露,Apple計劃在2025年底或2026年初量產一款全新平價版MacBook,預計會搭載iPhone 16 Pro同款嘅A18 Pro晶片。若然消息屬實,將會係Apple首次將主要用在iPhone嘅A系列晶片應用到MacBook, ...
tech
【科技】消息指Apple將推平價版MacBook 搭載iPhone 16 Pro同款晶片、最快年底量產
01 Jul 2025
自從大部份遊戲都會於多平台推出之後,玩家們可以被粗分成兩大陣營:追求極致畫面、而且唔介意花錢花時間去升級、研究硬體配置嘅PC玩家;以及對畫面要求稍低,希望買返黎即插即用嘅主機玩家。而過去幾年因為Playstat ...
tech
【科技】電腦玩家人數正在減少 主機將再次成為主流?
26 Jun 2025