{ SKIP }
文:MenClub 艾力克  
POSTED ON 01 Dec 2021

據外媒報導,近日Elon Musk透過內部電郵通知SpaceX員工,表示重型運載火箭「星艦(Starship)」嘅猛禽引擎(Raptor)陷入「危機」,希望大家放假都返公司陪佢一齊趕進度,並話若然SpaceX冇辦法喺出年達成每兩周發射一次Starship嘅頻率,公司將會面臨破產危機。

近年SpaceX積極研發重型運載火箭「星艦」,打算用嚟載人登陸火星及月球、地球內點對點快速轉運旅客、部署人造衛星等等。但實現以上目標之前,首先要解決引擎問題,日前Elon Musk就喺內部電郵表示猛禽引擎嘅生產危機比預期中嚴重得多,佢本來都想喺感恩節放假,但最後都迫不得已返公司趕進度,同時希望員工們如非有重要事情都返去幫幫手。

Elon Musk又喺信中提到,如果無法順利生產出足夠嘅猛禽引擎推動星艦,將會影響經濟效益更高,功能更強大嘅第二代星鏈(Starlink)衛星部署,事關只有星艦先有能力運載體積更大嘅二代星鏈衛星,總言之如果冇辦法喺出年達到至少每兩禮拜發射一次星艦嘅話,公司就會面臨真正破產危機。順帶一提,目前SpaceX嘅Starlink服務可以話係蝕住做,賣一套天線就蝕一套仍未回本,若然無法順利部署新一代星鏈衛星,意味住公司將會蝕大錢。

資料來源:thevergespaceexploredcnbc

隨住硬件上能夠改進嘅嘢越黎越少,近年各個手機品牌都主力發展手機嘅AI功能,甚至已經有唔少人係因為要用、或者想用AI而決定換機。但如果你係睇中Apple去年宣佈、號稱能夠「更個人化」嘅新Siri而換機的話,相信你就 ...
tech
【科技】新Siri延至明年登場 Apple:「比我哋想像中更花時間」
13 Mar 2025
自從早前《Monster Hunter Wilds》推出之後,相信唔少人近日都「拋妻棄子」努力斬龍,甚至惹來另一半抱怨你「掛住打機唔理我/頭家!」。面對呢種靈魂拷問你可以點答?當然就係引經據典黎駁斥佢啦!最近一個新研究就 ...
tech
【電玩】打機有理!打機無罪! 研究指開放世界遊戲有助改善心理健康
11 Mar 2025